Համայնքի ավագանին նշում է, որ Հայ օգնության ֆոնդը ,,Աղքատության հաղթահարումը Տավուշի մարզում,, ծրագրի շրջանակում 2020թ նախաձեռնել և շարունակում է իրականացնել Իջևան քաղաքի թիվ 1 մանկապարտեզի հիմնանորոգման ծրագիրը։ ՀՕՖ-ի Հայաստանի մասնաճյուղի տնօրինությունը հայտնել է, որ ծրագիրն իրականացվում է ամերիկաբնակ Մարդիգյան ընտանիքի նվիրատվությամբ և առաջարկել թիվ 1 մանկապարտեզը անվանակոչել Ժանետ Մարդիգյանի անունով։
Ղեկավարվելով ՀՀ ,,Տեղական ինքնակառավարման մասին,, օրենքի 18-րդ հոդվածի 22-րդ կետով և հաշվի առնելով համայնքի ղեկավարի պաշտոնակատարի առաջարկությունը․
Իջևան համայնքի ավագանին որոշում է
1․ Տալ հավանություն համայնքի ղեկավարի պաշտոնակատարի առաջարկությանը՝ Իջևան քաղաքի թիվ 1 մանկապարտեզ ՀՈԱԿ-ը անվանակոչել բարերար Ժանետ Մարդիգյանի անունով և անվանել ,,Ժանետ Մարդիգյանի անվան մանկապարտեզ,, համայնքային ոչ առևտրային կազմակերպություն։
2․ Հաստատել ,,Ժանետ Մարդիգյանի անվան մանկապարտեզ,, համայնքային ոչ առևտրային կազմակերպության կանոնադրությունը։