Համայնքի ավագանին նշում է, որ քաղաքապետարանը 2020թ. Ամանորյա և Սուրբ Ծննդյան տոնակատարությունները նախատեսել է անցկացնել դեկտեմբերի 18-ից մինչև դեկտեմբերի 30-ը ներառյալ: Միջոցառումներին ընդգրկված են քաղաքի հանրակրթական դպրոցների, արվեստի և երաժշտական դպրոցների սովորողներ, համույթներ և քաղաքի մանկապարտեզների սաները: Նախատեսվում է դեկտեմբերի 30-ին մայրաքաղաքից հրավիրված երգիչ-երգչուհիների մասնակցությամբ կազմակերպել տոնական համերգ, այնուհետև՝ հրավառություն:
Ամանորյա նվերներ կհանձնվեն Իջևանի հանրակրթական դպրոցների 1-4 դասարանների, մանկապարտեզների, նախակրթարանների, ,,Հույսի կամուրջ”, ՍՕՍ մանկական գյուղ հաճախող երեխաններին:
Դրամական պարգևներ կհանձնվեն տարվա ընթացքում մրցանակների արժանացած 10 լավագույն մարզիկներին և նրանց մարզիչներին:
Նախատեսվում է դրամական օգնություն տրամադրել զոհված ազատամարտիկների ընտանիքներին:
Իջևան համայնքի ավագանին որոշում է
Հաստատել քաղաքապետարանի 2020թ. Ամանորյա և Սուրբ Ծննդյան տոնակատարությունների ծրագիրը /կցվում է/: