Իջևան համայնքի ավագանին 19.03.2019թ. կայացրել է «Իջևան քաղաքի Ղարագյոզյան փողոցի, թիվ 47 հասցեում գտնվող մանկապարտեզի հին շենքը ապամոնտաժելու մասին» թիվ 22 որոշումը: Համայնքի ղեկավարը դիմել է «ԻՇԿ» ՍՊԸ-ին, վերոնշված հասցեում գտնվող մանկապարտեզի հին շենքն ապամոնտաժելու և ապամոնտաժված պիտանի շինանյութը կատարված աշխատանքների դիմաց ՍՊԸ-ին տրամադրելու առաջարկով: Համայնքի ղեկավարի առաջարկն ընդունվել է «ԻՇԿ» ՍՊԸ-ի կողմից:
Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին կետի 21-րդ ենթակետի դրույթներով. Իջևան համայնքի ավագանին որոշում է
1.Տալ հավանություն համայնքի ղեկավարի առաջարկությանը՝ Իջևան քաղաքի Ղարագյոզյան փողոցի թիվ 47 հասցեում մանկապարտեզի հին մասնաշենքն ապամոնտաժելու և ապամոնտաժված պիտանի շինանյութը կատարված աշխատանքների դիմաց «ԻՇԿ» ՍՊԸ-ին տրամադրելուն:
2. Մանկապարտեզի շենքը հանել համայնքապետարանի հաշվեկշռից: |