Համայնքի ավագանին նշում է, որ Իջևան քաղաքը հարուստ է մարզական ավանդույթներով, ունեցել է բազմաթիվ մրցանակակիրներ և այսօր քաղաքի տարբեր մարզական խմբակներում ընդգրկված են շնորհաշատ և մարզական լուրջ ձեռքբերումների ընդունակ երեխաներ: Սպորտային ավանդույթները արմատավորելու, ՀՀ, Եվրոպայի և աշխարհի առաջնություններում մրցանակային տեղեր գրաված մարզիկներին խրախուսելու նպատակով համայնքի ավագանին նպատակահարմար է գտնում սահմանել միանվագ դրամական պարգևներ: Իջևան համայնքի ավագանին որոշում է
1.Տալ հավանություն համայնքի ղեկավարի առաջարկությանը հանրապետական, միջազգային պաշտոնական, եվրոպայի և աշխարհի առաջնություններում մրցանակային տեղեր գրաված մարզիկների, թիմերի համար սահմանելու միանվագ դրամական պարգևներ/կցվում է հավելված 1 և 2/.
2.Հանրապետական, միջազգային պաշտոնական,եվրոպայի և աշխարհի երիտասարդների առաջնություններում մրցանակային տեղեր գրաված մարզիկների մարզիչների համար սահմանել դրամական պարգև համապատասխան մրցանակային տեղ գրաված մարզիկի գումարի 40% չափով, թիմերի մարզիչների համար՝ մրցանակային տեղի գումարի 50%-ի չափով: |