Հաշվի առնելով, որ ամերիկյան «Փարոս» հիմնադրամի ֆինանսավորմամբ մանկապարտեզ ստեղծելու նպատակով վերակառուցվել  և հիմնանորոգվել է Ներքին Ծաղկավան բնակավայրի տարածքում գտնվող մասնաշենքը և «Ֆոկուս ոն չիլդրեն» հիմնադրամը տրամադրել է մանկապարտեզի հիմնական գույքը, անհրաժեշտություն է առաջացել Ներքին Ծաղկավան բնակավայր, Փ․ 1,  Շ․ 40 հասցեում ստեղծել «ՀՀ Տավուշի մարզի Իջևան համայնքի Ներքին Ծաղկավան բնակավայրի մանկապարտեզ» համայնքային ոչ առևտրային կազմակերպություն:
Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 15-րդ, 16-րդ և 28-րդ կետերով.

Համայնքի ավագանին որոշում է․

1.Տալ հավանություն համայնքի ղեկավարի առաջարկությանը՝ ստեղծել «ՀՀ Տավուշի մարզի Իջևան համայնքի Ներքին Ծաղկավան բնակավայրի մանկապարտեզ» համայնքային ոչ առևտրային կազմակերպություն Ներքին Ծաղկավան բնակավայր, թիվ 1 Փ․, թիվ Շ 40 հասցեում։
2.Հաստատել «ՀՀ Տավուշի մարզի Իջևան համայնքի Ներքին Ծաղկավան բնակավայրի մանկապարտեզ» համայնքային ոչ առևտրային կազմակերպության կանոնադրությունը։ 
3.Հաստատել «ՀՀ Տավուշի մարզի Իջևան համայնքի Ներքին Ծաղկավան բնակավայրի մանկապարտեզ» համայնքային ոչ առևտրային կազմակերպության հաստիքացուցակը և պաշտոնային դրույքաչափերը / հավելված 1/:
4.Հանձնարարել համայնքապետարանի համապատասխան բաժիններին՝ օրենքով սահմանված կարգով կատարել «ՀՀ Տավուշի մարզի Իջևան համայնքի Ներքին Ծաղկավան բնակավայրի մանկապարտեզ» համայնքային ոչ առևտրային կազմակերպության ստեղծման համար անհրաժեշտ փաստաթղթային ձևակերպումներ: