Տավուշի մարզ, Իջևան համայնք, քաղաք Իջևան, Անկախության փողոց, թիվ16/3 հասցեում գտնվող համայնքային սեփականություն հանդիսացող 40․5քմ մակերեսով հողամասի վրա քաղաքացի՝ Արամայիս Հրաչիկի Խաչատրյանի կողմից ինքնակամ կերպով կառուցված  40․5քմ  արտաքին մակերեսով  ավտոտնակի շինությունը, որի ներքին մակերեսը կազմում է 36․39քմ՝ ճանաչվել է օրինական համայնքային սեփականություն /վկայական թիվ09012025-11-0024/: Անհրաժեշտություն է առաջացել օրինական համայնքային սեփականություն հանդիսացող 40․5քմ արտաքին մակերեսով ինքնակամ ավտոտնակի շինությունն, իր զբաղեցրած 40․5քմ  մակերես հողամասով վաճառել կառույցն իրականացրած քաղաքացի՝ Արամայիս Հրաչիկի Խաչատրյանին: Ավտոտնակի շինության զբաղեցրած 40․5քմ մակերեսով հողամասը և 40․5քմ մակերեսով ավտոտնակի  շինությունը չեն խոչնդոտում այլ հողատարածքների նպատակային կամ գործառնական նշանակությանը, չեն դասվում ՀՀ ,,Հողային օրենսգրքի՜՜ 60-րդ հոդվածով սահմանված հողամասերի շարքին, չեն գտնվում ինժեներատրանսպորտային օբյեկտների օտարման գոտիներում, չեն հակասում քաղաքաշինական նորմերին, չեն սահմանափակում այլ անձանց իրավունքները, չեն առաջացնում սերվիտուտ:   

Հաշվի առնելով վերոնշյալը և քաղաքաշինական խորհրդի դրական եզրակացությունը և ղեկավարվելով ՀՀ կառավարության 18.05.2006թ. թիվ 912-Ն որոշման 4-րդ հոդվածի, թիվ 33.1 կետի բ/ ենթակետի, թիվ 33.2 կետի և թիվ 35 կետի բ/ ենթակետի, ՀՀ քաղաքացիական օրենսգրքի 188-րդ հոդվածի 5-րդ կետի պահանջներով.

ՈՐՈՇՈՒՄ ԵՄ.

1.Վաճառել կառույցն իրականացրած քաղաքացի Արամայիս Հրաչիկի Խաչատրյանին /14.01.2025թ. մուտքի դիմում թիվ0118/ գնման նախապատվության իրավունքով /ուղղակի վաճառք/, Տավուշի մարզ, Իջևան համայնք, քաղաք Իջևան, Անկախության փողոց, թիվ 16/3 հասցեում գտնվող  40․5քմ  մակերեսով  հողամասը՝  1քմ 4441․8 ՀՀ  դրամ  կադաստրային  արժեքով  179893 /մեկ հարյուր յոթանասունինն հազար ութ հարյուր իննսուներեք/  ՀՀ  դրամ  ընդհանուր  արժեքով, իսկ  40․5 քմ  արտաքին մակերեսով ավտոտնակը՝  1քմ  1969 ՀՀ  դրամ  կադաստրային  արժեքով՝  79745 /յոթանասունինն հազար յոթ հարյուր քառասունհինգ/  ՀՀ  դրամ  ընդհանուր  արժեքով: