Իջևանի  քաղաքապետարանի  մշակույթի տան կազմակերպած ՙԱկնթարթում մի ամբողջ կյանք՚ հոբելյանական միջոցառումը նվիրված  էր տաղանդավոր  գրող, լրագրող Ռուբեն Սիմոնյանի 75-ամյակին: Ցուցադրվող տեսանյութերում նրան գնահատողներն իր ժամանակիցներն ու ընկերներն  էին, ովքեր նրան ճանաչում էին որպես հայրենասեր մարտիկի ու մտավորականի, ժողովրդասեր ու անաչառ մարդու: Վաստակավոր լրագրող Սուրեն Նազինյանի բնորոշմամբ  Ռուբեն Սիմոնյանը մի մեծ հայտնագործություն  է, ով իր ասելիքը դեռ կասի պատմությանը, սերունդներին:

  Մեծ մտավորականին, տաղանդաշատ մարդուն շնորհավորեցին Տավուշի մարզպետ Արմեն Ղուլարյանը, Իջևան համյանքի ղեկավար Վարդան Ղալումյանը, Երևանի գրողների միության  նախագահ Աբգար  Ափինյանը, ընկերներն ու հարազատները՝ մաղթելով ստեղծագործական  բազմաբեղուն կյանք և առողջություն:

  Ռուբեն Սիմոնյանը 100-ի հասնող   գիտական, հրապարակախոսական հոդվածների և պատմական  նշանակություն  ունեցող գրքերի հեղինակ է:

  Նա արժանացել է բազմաթիվ կոչումների ու ոսկե մեդալների:Այդ ամենի շարքը լրացրին  հայ գրականությանը և պատմագիտությանը բերած ավանդի համար Երևանի  գրողների միության կողմից նրան շնորհված հատուկ մրցանակը և ՙԵրկրապահ՚ -ի մեդալը:

    Վերջում տոնական համերգն  ամբողջացրեց  միջոցառումը:

              Տ.Նազինյան