Ի կատարումն ՀՀ քննչական կոմիտեի Տավուշի մարզային վարչության 31 հոկտեմբերի 2025թվականի միջնորդագրի, նկատի ունենալով, որ Իջևան համայնքի ղեկավարի 17 հունվարի 2022 թվականի «Ալբերտ Արամայիսի Խեչյանի նկատմամբ խնամակալ նշանակելու մասին» թիվ 16 որոշումը, Աչաջուր համայնքի ղեկավարի 05 ապրիլի 2004 թվականի «Աշոտ Սերյոժայի Օթարյանի նկատմամբ խնամակալ նշանակելու մասին» թիվ 11 որոշումը, Խաշթառակ համայնքի ղեկավարի 16 փետրվարի 2012 թվականի «Սեյրան Սարիբեկի Սարիբեկյանի նկատմամբ խնամակալ նշանակելու մասին» թիվ 4-Ա որոշումը, Գետահովիտ համայնքի ղեկավարի  27 օգոստոսի 2018 թվականի «Գարիկ Արկադյայի Ղուշչյանի նկատմամբ խնամակալ նշանակելու մասին» թիվ 01-Ա և 08 օգոստոսի 2017 թվականի «Նարեկ Ասիլբեկի Ադամjանի նկատմամբ խնամակալ նշանակելու մասին» թիվ 64-Ա որոշումները հակասում են Հայաստանի Հանրապետության «Քաղաքացիական օրենսգրքի» 34-րդ հոդվածի դրույթներին, այն է՝ չափահաս քաղաքացիների նկատմամբ խնամակալությունը սահմանվում է անգործունակ ճանաչելու մասին դատարանի վճռի առկայության դեպքում, անհրաժեշտություն է առաջացել վերոնշյալ որոշումները ճանաչել անվավեր։
Հիմք ընդունելով, որ խոշորացումից հետո Իջևան համայնքը հանդիսանում է միավորված գյուղական համայնքների իրավահաջորդը և ղեկավարվելով Հայաստանի Հանրապետության «Նորմատիվ իրավական ակտերի մասին» օրենքի 38-րդ հոդվածի դրույթներով․

ՈՐՈՇՈՒՄ ԵՄ

1․Իջևան համայնքի ղեկավարի 17 հունվարի 2022 թվականի «Ալբերտ Արամայիսի Խեչյանի նկատմամբ խնամակալ նշանակելու մասին» թիվ 16 որոշումը, Աչաջուր համայնքի ղեկավարի 05 ապրիլի 2004 թվականի «Աշոտ Սերյոժայի Օթարյանի նկատմամբ խնամակալ նշանակելու մասին» թիվ 11 որոշումը, Խաշթառակ համայնքի ղեկավարի 16 փետրվարի 2012 թվականի «Սեյրան Սարիբեկի Սարիբեկյանի նկատմամբ խնամակալ նշանակելու մասին» թիվ 4-Ա որոշումը, Գետահովիտ համայնքի ղեկավարի  27 օգոստոսի 2018 թվականի «Գարիկ Արկադյայի Ղուշչյանի նկատմամբ խնամակալ նշանակելու մասին» թիվ 01-Ա և 08 օգոստոսի 2017 թվականի «Նարեկ Ասիլբեկի Ադամյանի նկատմամբ խնամակալ նշանակելու մասին» թիվ 64-Ա որոշումները ճանաչել անվավեր։
2․Անվավեր ճանաչված որոշումներով խնամակալ նշանակված անձանց ծանուցել խնամակալի պարտականություններից ազատելու մասին։
3․Ծանուցել ՀՀ աշխատանքի և սոցիալական հարցերի նախարարության միասնական սոցիալական ծառայության Իջևանի տարածքային կենտրոնին՝ անվավեր ճանաչված խնամակալության որոշումների մասին։
4․Հանձնարարել խնամակալության և հոգաբարձության հանձնաժողովին՝ խնամակալության և հոգաբարձության վերաբերյալ հարցերը քննարկել և եզրակացությունները ներկայացնել համապատասխան օրենսդրությամբ սահմանված պարտադիր պայմանների առկայության դեպքում։
5․Սույն որոշումն ուժի մեջ է մտնում ստորագրման պահից։