Համայնքի ավագանին նշում է, որ համայնքապետարանի ենթակայության «Իջևան քաղաքի թիվ 1 մանկապարտեզ», «Իջևան քաղաքի թիվ 5 մանկապարտեզ», «Իջևան քաղաքի թիվ 8 մանկապարտեզ», «Ամալյա Կարապետյանի անվան նախակրթարան» ՀՈԱԿ-ները լիցենզավորելու նպատակով անհրաժեշտություն է առաջացել այդ նախադպրոցական ուսումնական հաստատությունների և նախակրթարանի կողմից օգտագործվող, համայնքի սեփականությունը հանդիսացող մասնաշենքերը և դրանց սպասարկման հողամասերը անհատույց օգտագործման իրավունքով հատկացնել վերոնշյալ կազմակերպություններին:

Հաշվի առնելով վերոհիշյալը և ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի, 1-ին մասի, 21-րդ կետով.

Իջևան համայնքի ավագանին որոշում է

Տալ հավանություն համայնքի ղեկավարի պաշտոնակատարի առաջարկությանը՝

1. Մայիսի 28 փողոցի թիվ 5/2 հասցեում գտնվող  1080,7 քմ մասնաշենքը /կադաստրային ծածկագիր 11-001-0128-0004-001/, հարթակը /կադաստրային ծածկագիր 11-001-0128-0004-002/ և 0,2945 հա հողամասը /կադաստրային ծածկագիր 11-001-0128-0004/ անժամկետ, անհատույց օգտագործման իրավունքով հատկացնել «Իջևան քաղաքի թիվ 1 մանկապարտեզ» ՀՈԱԿ-ին:
2. Բլբուլյան փողոցի 4-րդ նրբանցքի  թիվ 2 հասցեում գտնվող  1522,25քմ մասնաշենքը /կադաստրային ծածկագիր 11-001-0111-015-001/ և 0,7735 հա հողամասը /կադաստրային ծածկագիր 11-001-0111-015/ անժամկետ, անհատույց օգտագործման իրավունքով հատկացնել «Իջևան քաղաքի թիվ 5 մանկապարտեզ» ՀՈԱԿ-ին:
3. Ազատամարտիկների փողոցի թիվ 35 հասցեում գտնվող  1257,91 քմ մասնաշենքը /կադաստրային ծածկագիր 11-001-0118-0012-001/, և0,3 հա հողամասը /կադաստրային ծածկագիր 11-001-0118-0012/ անժամկետ, անհատույց օգտագործման իրավունքով հատկացնել «Ամալյա Կարապետյանի անվան նախակրթարան»  ՀՈԱԿ-ին:
4. Ղարագյոզյան փողոցի թիվ 47 հասցեում գտնվող մասնաշենքը և հողամասը անժամկետ, անհատույց օգտագործման իրավունքով հատկացնել «Իջևան քաղաքի թիվ 8 մանկապարտեզ»  ՀՈԱԿ-ին: