Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 42-րդ կետով, «Շրջակա միջավայրի վրա ազդեցության գնահատման և փորձաքննության մասին» օրենքի 11-րդ հոդվածի 1-ին մասի 1-ին կետով, ՀՀ կառավարության 2014 թվականի նոյեմբերի 19-ի N 1325-Ն որոշման N 1 հավելվածի 28-րդ կետի պահանջներով, հիմք ընդունելով «Մառա և դուստրեր» ՍՊԸ-ի կողմից ներկայացված դիմումի հիման վրա կայացած հանրային լսման արձանագրությունը՝

Համայնքի ավագանին որոշում է․

1․Տալ նախնական համաձայնություն «Մառա և դուստրեր» ՍՊԸ-ի կողմից ներկայացված, ՀՀ կառավարության 2023 թվականի նոյեմբերի 30-ի N 2093-Ն որոշմամբ սահմանված ծրագրում ընդգրկված՝ Իջևան համայնքի Սևքար բնակավայրի միջնակարգ դպրոցի /432 աշակերտական տեղով/ կառուցման աշխատանքների իրականացմանը։

2․Որոշումն ուժի մեջ է մտնում հրապարակմանը հաջորդող օրվանից։