Համայնքի ղեկավարին են դիմել Իջևան համայնքի Գանձաքար բնակավայրի բնակիչ` 2020 թվականի հոկտեմբերի 04-ին զոհված զինծառայող Վազգեն Հմայակի Գրիգորյանի ընտանիքը /դիմում թիվ3563, 12.09.2025թ./, զոհված և հաշմանդամ դարձած ազատամարտիկների, «Զինծառայողների և նրանց ընտանիքների անդամների սոցիալական ապահովության մասին» Հայաստանի Հանրապետության օրենքով սահմանված անձանց, որոնք չեն օգտվել հողի  սեփականաշնորհումից,  նախկինում  չեն  ստացել  (ձեռք բերել)  տնամերձ  կամ  բնակելի  տան  շինարարության  և դրա սպասարկման համար հողամաս, որպես տնամերձ կամ անհատական բնակելի տան կառուցման և սպասարկման համար, սեփականության իրավունքով անհատույց  հողամաս տրամադրելու խնդրանքով:
Ղեկավարվելով «Տեղական  ինքնակառավարման մասին» ՀՀ օրենքի 18-րդ հոդվածի 1-ին կետի  21-րդ ենթակետի, ՀՀ ,,Հողային օրենսգրքի,, 64 հոդվածի 1-ին կետի 4-րդ ենթակետի  պահանջներով.

Համայնքի ավագանին որոշում է․

1.Տալ համաձայնություն համայնքի ղեկավարի առաջարկությանը՝ Տավուշի մարզ, Իջևան համայնք, գյուղ Գանձաքար, 32-րդ փողոց թիվ 25/3 հասցեում գտնվող 0.1 հա հողամասը սեփականության իրավունքով անհատույց տրամադրել զոհված զինծառայող Վազգեն Հմայակի Գրիգորյանի հինգ շնչից բաղկացած ընտանիքին՝ Սուսաննա Սուրենի Գրիգորյանին, Թագուհի Մանվելի Պողոսյանին, Սուսաննա Վազգենի Գրիգորյանին, Հայկ Վազգենի Գրիգորյանին, Նարե Վազգենի Գրիգորյանին: