Իջևանի քաղաքապետարան է դիմել ՀՀ Քննչական կոմիտեի դեպարտամենտ պետական կառավարչական հիմնարկը, Իջևան քաղաքի Ա. Մելիքբեկյան փողոցի թիվ 5 հասցեի հարակից տարածքում հողատարածք տրամադրելու խնդրանքով՝ դեպի նշված հասցեի շինության 2-րդ հարկում գտնվող և հիմնարկին պատկանող տարածք, մուտքի առանձին արտաքին աստիճաններ կառուցելու նպատակով:
Իջևանի քաղաքապետը Իջևան համայնքի ավագանու քննարկմանն է ներկայացրել վերոհիշյալ դիմումը և առաջարկել, այդ նպատակով, համաձայն ՀՀ «Հողային օրենսգրքի» 75 հոդվածի 1-ին կետի 1-ին մասի, Ա. Մելիքբեկյան փողոցի 53.56 քմ. մակերեսով հողամասը անհատուց մշտական օգտագործման իրավուքով տրամադրել ՀՀ Քննչական կոմիտեի դեպարտամենտ պետական կառավարչական հիմնարկին:
Իջևան համայնքի ավագանին քննարկելով վերը նշվածը և ղեկավարվելով ՀՀ «Հողային օրենսգրքի» 75 հոդվածի 1-ին կետի 1-ին մասի և «Տեղական ինքնակառավարման մասին» ՀՀ օրենքի 16 հոդվածի 20-րդ պահանջներով՝ Իջևան համայնքի ավագանին որոշում է.
Տալ հավանություն Իջևանի քաղաքապետի առաջարկությանը՝ Իջևան քաղաքի Ա. Մելիքբեկյան փողոցի թիվ 5 հասցեի հարակից 53.56 քմ. մակերեսով հողամասը անհատուց մշտական օգտագործման իրավուքով տրամադրել ՀՀ Քննչական կոմիտեի դեպարտամենտ պետական կառավարչական հիմնարկին՝ դեպի նշված հասցեի շինության 2-րդ հարկում գտնվող և հիմնարկին պատկանող տարածք, մուտքի առանձին արտաքին աստիճաններ կառուցելու նպատակով: |