Համայնքի ավագանին նշում է, որ համայնքի տարածքում գործող համայնքային ենթակայության 11 հիմնարկներում գնումների գործընթացի կազմակերպումը բարելավելու, գնումները ՀՀ ,,Գնումների մասին,, օրենքի պահանջներին համապատասխան անցկացնելու նպատակով, անհրաժեշտություն է առաջացել համայնքապետարանի աշխատակազմում կատարել փոփոխություն՝ առաջատար մասնագետի մեկ հաստիքը կրճատել և փոխարենը ավելացնել գլխավոր մասնագետի մեկ հաստիք:
Անհրաժեշտություն է առաջացել նաև իրավաբանի հաստիքը կրճատել և փոխարենը ավելացնել խորհրդականի մեկ հաստիք:
Ղեկավարվելով ,,Տեղական ինքնակառավարման մասին” ՀՀ օրենքի 18-րդ հոդվածի 28-րդ կետով և «Իրավական ակտերի մասին» ՀՀ օրենքի 70-րդ հոդվածի 5-րդ մասով. Իջևան համայնքի ավագանին որոշում է.
1. Համայնքապետարանի աշխատակազմի հաստիքացուցակում կատարել հետևյալ փոփոխությունները .
ա/ Կրճատել իրավաբանի հաստիքը և ավելացնել համայնքի ղեկավարի խորհրդականի մեկ հաստիք՝ 150000 ՀՀ դրամ դրույքաչափով:
բ/ Կրճատել աշխատակազմի առաջատար մասնագետի մեկ հաստիքը և ավելացնել գլխավոր մասնագետի մեկ հաստիք՝ համապատասխան դրույքաչափով:
2.Հաստատել Իջևանի համայնքապետարանի աշխատակազմի կառուցվածքը, աշխատակիցների թվաքանակը, հաստիքացուցակը և պաշտոնային դրույքաչափերը համաձայն 1-2 հավելվածների:
3. Ուժը կորցրած ճանաչել Իջևանի քաղաքային համայնքի ավագանու 22 դեկտեմբերի 2017թ. «Իջևանի համայնքապետարանի, ենթակա բյուջետային հիմնարկների ու ոչ առևտրային կազմակերպությունների հաստիքացուցակների և պաշտոնային դրույքաչափերի հաստատման մասին» թիվ 66Ա որոշումը՝ համայնքապետարանի մասով:
4. Իջևան համայնքի ղեկավարին` Իջևանի համայնքապետարանի աշխատակազմի համայնքային ծառայության պաշտոնների անվանացանկում համապատասխան փոփոխություններ կատարելու առաջարկությամբ սահմանված կարգով դիմել ՀՀ կառավարության լիազորված պետական կառավարման մարմին:
5. Սույն որոշման 1-ին մասի բ/ կետն ուժի մեջ է մտնում Իջևանի համայնքապետարանի աշխատակազմի համայնքային ծառայության պաշտոնների անվանացանկում համապատասխան փոփոխություններ կատարելու մասին իրավական ակտն ուժի մեջ մտնելու պահից: |