Համայնքի ավագանին նշում է, որ Իջևան համայնքի վարչական տարածքում երթևեկության անվտանգությունը ապահովելու և խցանումներից խուսափելու համար անհրաժեշտություն է առաջացել Երևանյան, Անկախության և Բլբուլյան փողոցներում տեղադրել երթևեկությունը կարգավորող լրացուցիչ նշաններ, կատարել գծանշումներ:
Համաձայն ՀՀ ,,Տեղական ինքնակառավարման մասին,, օրենքի 35-րդ հոդվածի 19-րդ կետի, համայնքի ղեկավարի առաջարկությամբ Իջևան համայնքի ավագանին որոշում է
1. Անկախության փողոցում « Յունի բանկ»-ի և թիվ 21 շենքի դիմաց դեպի շինանյութերի խանութ տանող հատվածում կատարել հետիոտների անցման գծանշում և տեղադրել համապատասխան երթևեկության նշան:
2. Երևանյան փողոցում դեպի Անտառային փողոց տանող հատվածում, մարզպետարանի կամրջից 30մ դեպի քաղաքապետարան տանող հատվածում,8-րդ մանկապարտեզ տանող աստիճանների դիմաց և Իջևանի բժշկական կենտրոն տանող հատվածում կատարել հետիոտների անցման գծանշում և տեղադրել համապատասխան երթևեկության նշաններ և թարթող լուսացույցներ:
3. Բլբուլյան փողոցում թիվ 1 գերեզմանատան հատվածում կատարել հետիոտների անցման գծանշում և տեղադրել համապատասխան երթևեկության նշան:
4.Երթևեկության կարգավորման նշանների տեղադրման և գծանշման աշխատանքների իրականացման համար կազմել նախահաշիվ և ֆոնդային բյուջեից հատկացնել համապատասխան գումար:
|