Զեկ. ԱՐԹՈՒՐ ԱՅԴԻՆՅԱՆ

Համայնքի ղեկավարը ներկայացրեց, որ համայնքապետարան է դիմել քաղաքացի՝ Գոհար Հենզելի Էդիլյանը, Տավուշի մարզ, Իջևան քաղաք, Այգեստան փողոց, թիվ 149/1 հասցեում գտնվող և իրեն պատկանող 0,0619հա մակերեսով, սահմանազատված, չկառուցապատված բնակավայրերի բնակելի կառուցապատման գործառնական նշանակության /ծածկագիր 11-001-0144-0200/ և փաստացի իր տիրապետման տակ գտնվող համայնքային սեփականություն հանդիսացող, Իջևան քաղաքի Մետաղագործների փողոցում գտնվող, սահմանազատված, չկառուցապատված 0,02791հա մակերեսով /ծածկագիր 11-001-0039-0005/ նույն նպատակային նշանակության հողամասերի նկատմամբ սեփականության իրավունքները փոխանակության միջոցով օտարելու խնդրանքով: Համայնքապետարանի կողմից Իջևան քաղաքի Մետաղագործների փողոցում գործառույթն իրականացնելու նպատակով առանձնացվել է 0,02791հա մակերեսով համապատասխան հողամաս, որը չի  գտնվում   Հայաստանի Հանրապետության  «Հողային օրենսգրքի» 60-րդ հոդվածով սահմանված հողամասերի ցանկում: Հողամասերի սեփականության իրավունքների փոխանակության միջոցով օտարումը կատարվում է հողամասերի օգտագործման արդյունավետությունը բարձրացնելու նպատակով և  չի սահմանափակում  այլ անձանց իրավունքները, չի խախտում այլ անձանց օրենքով պաշտպանվող  շահերը, ինչպես նաև  չի խոչընդոտում այլ հողամասերի  նպատակային  կամ  գործառնական նշանակությամբ օգտագործմանը:

Հիմք ընդունելով ՀՀ ,,Հողային օրենսգրքի,, 71-րդ հոդվածի 1-ին կետի, 1-ին ենթակետի և նույն հոդվածի 3-րդ կետի դրույթները, անհրաժեշտություն է առաջացել տալ համաձայնություն վերոնշյալ հողամասերի նկատմամբ սեփականության իրավունքները փոխանակության միջոցով օտարելու նպատակով:

Իջևան համայնքի ավագանին որոշում է.

1. Տալ համաձայնություն՝ Տավուշի մարզ, Իջևան քաղաք, Այգեստան փողոց, թիվ 149/1 հասցեում գտնվող և քաղաքացի՝ Գոհար Հենզելի Էդիլյանին պատկանող 0,0619հա մակերեսով, սահմանազատված, չկառուցապատված բնակավայրերի բնակելի կառուցապատման գործառնական նշանակության /ծածկագիր 11-001-0144-0200/ և համայնքային սեփականություն հանդիսացող, Իջևան քաղաքի Մետաղագործների փողոցում գտնվող, սահմանազատված, չկառուցապատված 0,02791հա մակերեսով /ծածկագիր 11-001-0039-0005/ նույն նպատակային նշանակության հողամասերի նկատմամբ սեփականության իրավունքները փոխանակության միջոցով օտարելու համայնքի ղեկավարի առաջարկությանը: