Համայնքի ավագանին նշում է, որ համայնքի տարածքում գործող կրթության, մշակույթի և սպորտի բնագավառի համայնքային ենթակայության 10 հիմնարկների աշխատանքների կազմակերպումը բարելավելու, նրանց գործունեությունը վերահսկելու, երիտասարդների ռազմահայրենասիրական դաստիարակությունը արդյունավետ կազմակերպելու, համայնքի զինապարտների և զինակոչիկների հետ տարվող աշխատանքը, զորակոչի և զորահավաքների կազմակերպումը, ինչպես նաև բնակչության քաղաքացիական պաշտպանության դրվածքը բարելավելու համար անհրաժեշտություն է առաջացել համայնքապետարանի աշխատակազմի կրթության, մշակույթի և սպորտի բաժնում կատարել փոփոխություն՝ 2-րդ կարգի մասնագետի մեկ հաստիքը կրճատել և փոխարենը ավելացնել գլխավոր մասնագետի մեկ հաստիք, կրճատել աշխատակազմի 1-ին կարգի մասնագետի երկու հաստիքներ և ավելացնել աշխատակազմի գլխավոր մասնագետի երկու հաստիքներ:
Ղեկավարվելով ,,Տեղական ինքնակառավարման մասին” ՀՀ օրենքի 18-րդ հոդվածի 26-րդ կետով և «Իրավական ակտերի մասին» ՀՀ օրենքի 70-րդ հոդվածի 5-րդ մասով Իջևան համայնքի ավագանին որոշում է.
1.Հաստատել Իջևանի համայնքապետարանի աշխատակազմի կառուցվածքը, աշխատակիցների թվաքանակը, հաստիքացուցակը և պաշտոնային դրույքաչափերը համաձայն 1-2 հավելվածները:
2. Ուժը կորցրած ճանաչել Իջևանի քաղաքային համայնքի ավագանու 18 հունվարի 2017թ. «Իջևանի քաղաքապետարանի աշխատակազմի կառուցվածքը, աշխատակիցների թվաքանակը, հաստիքացուցակը և պաշտոնային դրույքաչափերը հաստատելու մասին» թիվ 02 որոշումը՝ քաղաքապետարանի մասով:
3.Իջևան համայնքի ղեկավարին` Իջևանի համայնքապետարանի աշխատակազմի համայնքային ծառայության պաշտոնների անվանացանկում համապատասխան փոփոխություններ կատարելու առաջարկությամբ սահմանված կարգով դիմել ՀՀ կառավարության լիազորված պետական կառավարման մարմին:
4.Սույն որոշման 1-ին և 2-րդ կետերն ուժի մեջ են մտնում Իջևանի համայնքապետարանի աշխատակազմի համայնքային ծառայության պաշտոնների անվանացանկում համապատասխան փոփոխություններ կատարելու մասին իրավական ակտն ուժի մեջ մտնելու պահից: |