ՀՀ Տավուշի մարզի Իջևան համայնքի ավագանու՝ <<Տավուշի մարզ, Իջևան համայնք, Աչաջուր բնակավայրի վարչական սահմաններում գտնվող 0.19113հա մակերեսով հողամասի /վկայական N01082023-11-0067, կադաստրային ծածկագիր 11-013-0253-0052/ մի մասի նպատակային նշանակությունը փոփոխելու մասին>> 30.11.2023թ N148 որոշմամբ նշված հողամասի նպատակային նշանակությունը գյուղատնտեսականից փոփոխվել է արդյունաբերության, ընդերքօգտագործման և այլ արտադրական նշանակության օբյեկտների, իսկ իսկ գործառնական նշանակությունը այլ հողատեսքից՝ գյուղատնտեսական արտադրական օբյեկտների: Ավագանու նշված որոշումը հակասում է ՀՀ քաղաքաշինության մասին օրենքին և ՀՀ Տավուշի մարզի <<Տավուշ-2>> միկրոռեգիոնալ մակարդակի՝ համակցված տարածական պլանավորման փաստաթղթերի նախագծերի մշակման <<Աչաջուր համայնքի քաղաքաշինական գոտիավորման նախագծին>>, որի <<Աչաջուր համայնքի հողերի նպատակային նշանակության փոփոխությունների գծագրով>> այդ հողամասի մի մասը գյուղատնտեսական նպատակային նշանակության այլ հողատեսքից տրանսֆորացվել (ԳԲ-9, 0.52հա մակերեսով հողամասի մի մաս) բնակավայրերի նպատակային նշանակության՝ հասարակական կառուցապատման գործառնական նշանակության հողամաս: Գոտիավորման նախագծով հաշվի է առնվել նաև ՀՀ կառավարության 25.12.2005թ. N2404-Ն որոշմամբ սահմանված՝ բնակավայրերից դուրս տարածքներում միջպետական նշանակության ընդհանուր օգտագործման պետական ավտոմոբիլային ճանապարհների համար կողային տեսանելիության պահանջը՝ 18.0 մետր, հաշված երթևեկելի մասի եզրից: Սույնով խնդրվում է տալ համաձայնություն վերը նշված ավագանու որոշումը անվավեր ճանաչելու մասին համայնքի ղեկավարի առաջարկությանը:
Հիմք ընդունելով ՀՀ Տավուշի մարզի <<Տավուշ-2>> միկրոռեգիոնալ մակարդակի՝ համակցված տարածական պլանավորման փաստաթղթերի նախագծերի մշակման <<Աչաջուր համայնքի քաղաքաշինական գոտիավորման նախագիծը>>, և ղեկավարվելով <<Քաղաքաշինության մասին>> ՀՀ օրենքի, <<Տեղական ինքնակառավարման մասին>> ՀՀ օրենքի, <<Նորմատիվ իրավական ակտերի մասին>> ՀՀ օրենքի 36-րդ հոդվածի պահանջներով. Համայնքի ավագանին որոշում է.
1.Տալ համաձայնություն՝ ՀՀ Տավուշի մարզի Իջևան համայնքի ավագանու <<Տավուշի մարզ, Իջևան համայնք, Աչաջուր բնակավայրի վարչական սահմաններում գտնվող 0.19113հա մակերեսով հողամասի /վկայական N01082023-11-0067, կադաստրային ծածկագիր 11-013-0253-0052/ մի մասի նպատակային նշանակությունը փոփոխելու մասին>> 30.11.2023թ N148 որոշումն ճանաչել անվավեր։
2.Սույն որոշումից բխող հետագա գործառույթներն իրականացնել ՀՀ օրենսդրությամբ սահմանված կարգով: |