Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 21-րդ, 42-րդ կետերով, «ՀՀ վարչատարածքային բաժանման մասին» ՀՀ օրենքում փոփոխություններ և լրացումներ կատարելու մասին  2017 թվականի հունիսի 9-ի ՀՀ օրենքի 1-ին հոդվածով և 18.53 հավելվածով, «Նորմատիվ իրավական ակտերի մասին» ՀՀ օրենքի 36-րդ հոդվածի 1-ին մասի, 1-ին կետով և 37-րդ հոդվածի 1-ին մասով.

Համայնքի ավագանին որոշում է․

1. Ուժը կորցրած ճանաչել Իջևան համայնքի ավագանու 20.12.2024թ. թիվ 153 որոշումը:

2․Տալ համաձայնություն, ՀՀ Տավուշի մարզի Իջևան համայնքի սեփականություն հանդիսացող, Բերքաբեր բնակավայրում կառուցված գազիֆիկացման համակարգի գազատար խողովակը՝ որի ընդհանուր երկարությունը կազմում է 9789 գծմ, որից d=89 մմ, L=1809 գծմ, d=90 մմ, L=2022 գծմ, d=108 մմ, L=820 գծմ, d=57 մմ, L=3100 գծմ, d=89 մմ, L=2038 գծմ, /վկայական թիվ06032025-11-0033/, ընդգրկել Իջևան համայնքի գույքացանկում:

3․Տալ համաձայնություն, Տավուշի մարզի Իջևան համայնքի գույքացանկում ընդգրկված գազատար խողովակն, անհատույց օգտագործման իրավունքով, անորոշ ժամկետով, տրամադրել «Գազպրոմ Արմենիա» ՓԲԸ, Տավուշի գազիֆիկացման և գազամատակարարման մասնաճյուղին /ԳԳՄ/, ՀՀ Տավուշի մարզի Իջևան համայնքի, Բերքաբեր բնակավայրի գազիֆիկացման և գազամատակարարման նպատակով։