ՀՀ Տավուշի մարզի Իջևանի համայնքի ղեկավար Արթուր Ճաղարյանս ուսանումնասիրելով Իջևանի համայնքապետարանի զարգացման ծրագրերի, տուրիզմի, առևտրի, սպասարկման և գովազդի բաժնի պետի Ա.Պարոնյանի զեկուցագիրը և կից ներկայացված 15.05.2023թ. վարչական իրավախախտման վերաբերյալ արձանագրությունը, կապված Իջևան քաղաքի բնակիչ Լյուբա Ստեփանյանի կողմից առանց թույլտվության բացօթյա առևտուր իրականացնելու փաստի առիթով վարչական պատասխանասվության ենթարկելու հարցին
Պ Ա Ր Զ Ե Ց Ի
Իջևան համայնք, Երևայնան փողոց թիվ 96 հասցեում Լյուբա Ստեփանյանի կողմից առանց թույլտվության ինքնակամ իրականացվել է բացօթյա առևտուր, որի վերաբերյալ քաղաքապետարանի աշխատակիցների կողմից 15․05․2023թ․-ի կազմվել է վարչական իրավախախտման վերաբերյալ արձանագրություն, կատարվել է լուսանկարում։ Արձանագրությանը կից Իջևանի համայնքապետարանի զարգացման ծրագրերի, տուրիզմի, առևտրի, սպասարկման և գովազդի բաժնի պետի Ա. Պարոնյանը արձանագրությունը կից զեկուցագրով և լուսանկարներով ներկայացրել է համայնքի ղեկավարին իրավախախտին վարչական պատասխանատվության ենթարկելու հարցը լուծելու համար։ Հիմք ընդունելով զեկուցագիրը և կից ներկայացված նյութերը վարչական իրավախախտում կատարելու փաստի առթիվ «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածով սահմանված կարգով քաղաքապետարանի նախաձեռնությամբ հարուցել է վարչական վարույթ և վարույթի քննության օր է նշանակվել 2023 թվականի մայիսի 31-ին, ժամը՝ 11:00-ին քաղաքապետարանի շենքում և այդ մասին նույն օրը տեղեկացրել իրավախախտին։ Ծանոթանալով վարչական իրավախախտման վերաբերյալ արձանագրությունում և Ա․ Պարոնյանի զեկուցագրում արձանագրված փաստական հանգամանքներին, վարչական մարմինը վարչական վարույթի քննության ընթացքում ապացուցված համարեց, որ Լյուբա Ստեփանյանի կողմից կատարված արարքը իրեն մեջ պարունակում է Վարչական Իրավախախտումների Վերաբերյալ ՀՀ օրենսգրքի 169․16-րդ հոդվածի 3-րդ մասով նախատեսված զանցանքի հատկանիշներ։ Նշված իրավախախտման համար պատասխանատու է՝ Լյուբա Ստեփանյանը, քանի որ բացօթյա առևտուրն իրականացվել է վերջինիս կողմից:
Լյուբա Ստեփանյանը լսումներին չէր ներկայացել:
Ելնելով վերոգրյալից և ղեկավարվելով Վարչական Իրավախախտումների Վերաբերյալ ՀՀ օրենսգրքի 169․16-րդ 3-րդ մասի և «Վարչարարության հիմունքների և վարչական վարույթի մասին» ՀՀ օրենքի 53-58-րդ-րդ հոդվածների պահանջներով․
Ո Ր Ո Շ Ե Ց Ի
1/ Լյուբա Ստեփանյանի նկատմամբ նշանակել վարչական տուգանք (տույժ) սահմանված նվազագույն աշխատավարձի քսանաապատիկի չափով՝ 50000 (հիսուն հազար) ՀՀ դրամ։
2/ Պարտավորեցնել դադարեցնել ինքնակամ բացօթյա առևտուրը։
3/ Տուգանքի գումարը որոշումը ստանալու օրվանից ոչ ուշ քան 15 օրվա ընթացքում կամովին վճարել համայնքապետարանի գանձապետական թիվ 900375121150 հաշվին։
4/ Սույն որոշման մասին եռօրյա ժամկետում առձեռն կամ փոստային առաքմամբ, ստացումը հավաստող հետադարձ ծանուցմամբ իրազեկել Լյուբա Ստեփանյանին:
5/ Սույն որոշումը ուժի մեջ է մտնում իրազեկման հաջորդ օրվանից։
6/ Սույն որոշման պահանջները կամովին չկատարելու դեպքում «Վարչարարության հիմունքների և վարչական վարույթի մասին» ՀՀ օրենքի 88-րդ հոդվածով սահմանված կարգով այն ներկայացնել հարկադիր կատարման՝ ՀՀ ԱՆ ԴԱՀԿ-ն ապահովող ծառայությանը։
7/ Սույն որոշումը կարող է բողոքարկվել վարչական մարմնին կամ դատական կարգով «Վարչարարության հիմունքների և վարչական վարույթի մասին» ՀՀ օրենքի 70-րդ և 71-րդ հոդվածներով սահմանված կարգով և ժամկետներում, այն ուժի մեջ մտնելու օրվանից երկամսյա ժամկետում, չբողաքարկվելու դեպքում, նույն ժամկետում դառնում է անբողոքարկելի և ենթակա է հարկադիր կատարման։