ՀՀ Տավուշի մարզի Իջևանի համայնքի ղեկավար Արթուր Ճաղարյանս ուսանումնասիրելով Իջևանի համայնքապետարանի զարգացման ծրագրերի, տուրիզմի, առևտրի, սպասարկման և գովազդի  բաժնի պետի Ա.Պարոնյանի զեկուցագիրը և կից ներկայացված 22.04.2025թ. վարչական իրավախախտման վերաբերյալ արձանագրությունը, կապված ք․ Իջևան, Տերյան 3-րդ նրբ, տուն 46 հասցեի բնակիչ Արտակ Ստեփանյանի կողմից առանց  թույլտվության բացօթյա առևտուր իրականացնելու  փաստի առիթով վարչական պատասխանատվության ենթարկելու հարցին

Պ Ա Ր Զ Ե Ց Ի

Ք․ Իջևան, Տերյան 3-րդ նրբ, տուն 46 հասցեի բնակիչ Արտակ Ստեփանյանի կողմից առանց թույլտվության իրականացվել է բացօթյա առևտուր, որի վերաբերյալ համայնքապետարանի աշխատակիցների կողմից 22․04․2025թ․-ի կազմվել է վարչական իրավախախտման վերաբերյալ արձանագրություն։ Արձանագրությանը կից Իջևանի համայնքապետարանի զարգացման ծրագրերի, տուրիզմի, առևտրի, սպասարկման և գովազդի  բաժնի պետի Ա. Պարոնյանը ներկայացրել է արձանագրությունը կից զեկուցագրով ներկայացրել է համայնքի ղեկավարին իրավախախտին վարչական պատասխանատվության ենթարկելու հարցը լուծելու համար։ Հիմք ընդունելով զեկուցագիրը և կից ներկայացված նյութերը վարչական իրավախախտում կատարելու փաստի առթիվ «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածով սահմանված կարգով համայնքապետարանի նախաձեռնությամբ հարուցել է վարչական վարույթ և վարույթի քննության օր է նշանակվել 2025 թվականի մայիսի 12-ին, ժամը՝ 12:15-ին համայնքապետարանի շենքում և այդ մասին նույն օրը տեղեկացրել իրավախախտին։ Ծանոթանալով վարչական իրավախախտման վերաբերյալ արձանագրությունում և Ա․ Պարոնյանի զեկուցագրում արձանագրված փաստական հանգամանքներին, վարչական մարմինը վարչական վարույթի քննության ընթացքում ապացուցված համարեց, որ Արտակ Ստեփանյանի կողմից կատարված արարքը իր մեջ պարունակում է Վարչական Իրավախախտումների Վերաբերյալ ՀՀ օրենսգրքի 169․16-րդ հոդվածի 3-րդ մասով  նախատեսված զանցանքի հատկանիշներ։ Նշված իրավախախտման համար պատասխանատու է՝ Արտակ Ստեփանյանը, քանի որ բացօթյա առևտուրն իրականացվել է վերջինիս կողմից:

Արտակ Ստեփանյանը լսումներին չէր ներկայացել։

Ելնելով վերոգրյալից և ղեկավարվելով Վարչական Իրավախախտումների Վերաբերյալ ՀՀ օրենսգրքի 169․16-րդ 3-րդ մասի և «Վարչարարության հիմունքների և վարչական վարույթի մասին» ՀՀ օրենքի 53-58-րդ-րդ հոդվածների պահանջներով․

Ո Ր Ո Շ Ե Ց Ի

1/ Արտակ Ստեփանյանի նկատմամբ նշանակել վարչական տուգանք (տույժ) սահմանված նվազագույն աշխատավարձի հիսունապատիկի չափով՝ 50000 (հիսուն հազար) ՀՀ դրամ։

2/ Պարտավորեցնել դադարեցնել ինքնակամ բացօթյա առևտուրը։

3/ Տուգանքի գումարը որոշումը ստանալու օրվանից ոչ ուշ քան 15 օրվա ընթացքում կամովին վճարել համայնքապետարանի գանձապետական թիվ 900375121150 հաշվին։

4/ Սույն որոշման մասին եռօրյա ժամկետում առձեռն կամ փոստային առաքմամբ, ստացումը հավաստող հետադարձ ծանուցմամբ իրազեկել Արտակ Ստեփանյանին:

5/ Սույն որոշումը ուժի մեջ է մտնում իրազեկման հաջորդ օրվանից։

6/ Սույն որոշման պահանջները կամովին չկատարելու դեպքում «Վարչարարության հիմունքների և վարչական վարույթի մասին» ՀՀ օրենքի 88-րդ հոդվածով սահմանված կարգով այն ներկայացնել հարկադիր կատարման՝ ՀՀ ԱՆ ԴԱՀԿ-ն ապահովող ծառայությանը։

7/ Սույն որոշումը կարող է բողոքարկվել վարչական մարմնին կամ դատական կարգով «Վարչարարության հիմունքների և վարչական վարույթի մասին» ՀՀ օրենքի 70-րդ և 71-րդ հոդվածներով սահմանված կարգով և ժամկետներում, այն ուժի մեջ մտնելու օրվանից երկամսյա ժամկետում, չբողաքարկվելու դեպքում, նույն ժամկետում դառնում է անբողոքարկելի և ենթակա է հարկադիր կատարման։