Այսօր: Շաբաթ, 22 Սեպտեմբերի 2018թ.
Իջևանի համայնքապետարանի պաշտոնական կայք
Հյուրերի քանակը՝ 125
ՀՀ ՏԱՎՈՒՇԻ ՄԱՐԶԻ ԻՋԵՎԱՆ ՀԱՄԱՅՆՔ
ԻՐԱԴԱՐՁՈՒԹՅՈՒՆՆԵՐ
ՀԱՅՏԱՐԱՐՈՒԹՅՈՒՆՆԵՐ


ՆՈՐՈՒԹՅՈՒՆՆԵՐ
17.09.18 Իջևանում անցկացվեց արգենտինական տանգոյի օր

Ուրբաթ օրը Իջևանում մշակութային կյանքը լրացվեց ևս մի հաճելի իրադարձությամբ: 
Արգենտինական տանգոյի շաբաթ Հայաստանում միջոցառման շրջանակներում, շատրվանների հրապարակում հավաքվել էին տարբեր հասակի ու տարբեր մասնագիտության մարդիկ: Բոլորին էլ հետաքրքրում էր արգենտինական մշակույթը, երգն ու պարը:
Ողջույնի խոսքով հանդես եկավ ՀՀ-ում Արգենտինայի արտակարգ և լիազոր դեսպան Գոնսալո Ուռիոլաբեիտան: Նա հիացմունքով արտահայտվեց Իջևանի բնաշխարհի, մարդկանց մասին՝ մաղթելով հետաքրքիր ժամանց:
Հյուրերին ու ներկաներին ողջունեց նաև Կոնվերս բանկի Իջևանի մասնաճյուղի տնօրեն Նառա Ճաղարյանը:
Մինչև ուշ երեկո հրապարակում թնդում էր արգենտինական տանգոյի տաք ու ջերմ երաժշտությունը՝ բոլորին հրավիրելով պարի:

14.09.18 Մարզական փառատոն Իջևանում
ՀՀ սպորտի և երիտասարդության հարցերի նախարարության աջակցությամբ ՀՀ 48 քաղաքում, այդ թվում նաև Իջևանում և Արցախի հանրապետության Ստեփանակերտ քաղաքում անցկացվեցին մարզական փառատոններ:  Մարզական փառատոնը նպատակ ունի մասսայականացնել ֆիզկուլտուրան և սպորտը, արմատավորել առողջ ապրելակերպ:  Մարզադպրոցի տարածքում, որտեղ անցկացվեց փառատոնը ակտիվ եռուզեռ էր, իսկական տոնական տրամադրություն: Այն կազմակերպել էին Տավուշի մարզպետարանը, Իջևանի համայնքապետարանը և քաղաքի  հանրակրթական դպրոցները: Բացման հանդիսավոր արարողությանը մասնակցում էին մարզպետարանի և քաղաքապետարանի կրթության, մշակույթի և սպորտի ոլորտի, ուսումնական հաստատությունների, մարզադպրոցի աշխատակիցներ և մարզական թիմեր: Մասնակիցներին ... Մանրամասն
13.09.18 Շնորհակալագիր Իջևանի համայնքապետ Վարդան Ղալումյանին

Իջևան քաղաքի երիտասարդության կրթական, մշակութային, մարզական նվաճումները, նորագույն տեխնոլոգիաների ոլորտում ունեցած հաջողությունները միշտ էլ Իջևանի համայնքապետ Վարդան Ղալումյանի ուշադրության կենտրոնում են:
Այս անգամ էլ նա ֆինանսական աջակցություն էր ցուցաբերել ԵՊՀ Իջևանի մասնաճյուղի ուսանողներին` Արցախի պետական համալսարանի ուսանողների հետ գիտաճանաչողական այց կազմակերպելու համար:
Այդ առիթով ԵՊՀ ԻՄ-ի տնօրենի պաշտոնակատար Արտակ Ցուցուլյանը և ուսխորհուրդը համայնքի ղեկավար Վարդան Ղալումյանին պարգևատրել են շնորհակալագրով:

11.09.18 Փոխանցիկ գավաթը` Իջևանի համայնքապետարանի թիմին
 Երեկ կայացավ «Վլադիմիր Ասքանազի Խաչատրյանի Գավաթ-2018» մինի ֆուտբոլի առաջնությունը 4 թիմերի` Տավուշի մարզպետարանի, Իջևանի համայնքապետարանի, մարզային և տարածքային ոստիկանության և գազի վարչության մասնակցությամբ: Այն նախաձեռնել էին Վլադիմիր Խաչատրյանի որդիները` Արամ և Ասքանազ Խաչատրյանները, նրանց հարազատները, աջակցել էր համայնքապետարանը: Հետաքրքիր պայքարի արդյունքում առաջին տեղ ը և փոխանցիկ գավաթը նվաճեց Իջևանի համայնքապետարանը, երկրորդը` գազի վարչությունը, երրորդը` մարզպետարանը: Համայնքապետարանի կողմից լավագույն խաղացող ճանաչվեց Արթուր Ճաղարյանը, ոստիկանության կողմից` Գեորգի Միրզոյանը, գազի վարչությունից` Սասուն Փորքաշյանը, մարզպետարանից լավագույն ռմբարկու` Գուրգեն Հարությունյանը, ... Մանրամասն
11.09.18 Հայտարարություն

Հարգելի իջևանցիներ,
Սիրով հրավիում ենք մասնակցելու սեպտեմբերի 14-ին` ժամը 18:00-ին շատրվանների հրապարակում կայանալիք «Արգենտինական տանգոյի շաբաթ Հայաստանում» միջոցառմանը:

08.09.18 ԱԿՏԻՎ ՄԱՍՆԱԿՑՈՒԹՅՈՒՆ ՀԱՄԱՊԵՏԱԿԱՆ ՇԱԲԱԹՕՐՅԱԿԻՆ
<<Մաքուր Հայաստան>> ծրագրի շրջանակներում անցկացվող շաբաթօրյակին բավականին արդյունավետ էր նախապատրաստվել Իջևանի համայնքապետարանը։ Համայնքապետարանից և նրա ենթակա կազմակերպություններից շաբաթօրյակին մասնակցում էին շուրջ 250 աշխատակից, առկա էր 12 տեխնիկա` աղբահավաքման և սանիտարական աշխատանքները կազմակերպելու նպատակով։  Աշխատանքներին ակտիվ մասնակցություն ունեցան քաղաքի բոլոր հիմնարկ-ձեռնարկությունների աշխատակիցները, ուսումնական հաստատությունները, զինվորականները։ Քաղաքի Անկախության փողոցի ողջ երկայնքով, Ա.Մելիքբեկյան փողոցում և շատրվանների հրապարակում տեղադրվեցին համայնքապետարանի բյուջեի միջոցներով ձեռք բերված ֆերզիտի քարից պատրաստված 50 աղբաման: Բոլորը ջանում էին իրենց փոքրիկ ներդրումն ... Մանրամասն
03.09.18 Իջևանի մարզադպրոցն օգոստոս ամսում ունեցավ բռնցքամարտի 60 մեդալակիր

Ի ուրախություն իջևանցիների, քաղաքի մարզադպրոցի բռնցքամարտի սաները, մասնակցելով Հայաստանի և Արցախի հանրապետություններում անցկացվող բռնցքամարտի հուշամրցաշարերին, հասել են բարձր նվաճումների, վերադարձել պատվաբեր հաղթանակներով:
Միայն օգոստոս ամսում բռնցքամարտի մարզիչներ Սուրեն Օհանյանի և Անդրանիկ Էդիլյանի սաները նվաճել են 60 մեդալ:
Ինչպես մարզիչ Սուրեն Օհանյանը տեղեկացրեց, պատանի բռնցքամարտիկները տրամադրված են մարտական և առաջիկայում հաղթանակներ կտոնեն նաև հանրապետության սահմաններից դուրս:

01.09.18 ԻՋԵՎԱՆԻ ՔԱՂԱՔԱՊԵՏ ՎԱՐԴԱՆ ՂԱԼՈՒՄՅԱՆԻ ՈՒՂԵՐՁԸ ԳԻՏԵԼԻՔԻ ՕՐՎԱ ԱՌԹԻՎ
Սիրելի աշակերտներ, հարգարժան ուսուցիչներ և ծնողներ, Իջևան համայնքի ավագանու, աշխատակազմի և իմ անունից ջերմորեն շնորհավորում եմ ձեզ սեպտեմբերի 1-ի՝ գիտելիքների ու դպրության օրվա կապակցությամբ: Ինչպես Իջևան քաղաքի, այնպես էլ հանրապետության հազարավոր կրթօջախներում այսօր հնչում են առաջին զանգի ղողանջները, ազդարարելով նոր ուսումնական տարվա սկիզբը: Սիրելի ուսուցիչներ և աշակերտներ, այս հիշարժան օրվա կապակցությամբ, ցանկ անում եմ երազանքների իրականացում, ուժ ու նվիրում՝ հոգևոր և իմացական աշխարհում բարձունքներ նվաճելու համար: Ցանկանում եմ, որ ուսումնառության ու դաստիարակության հիրավի դժվարին ճանապարհը դուք անցնեք հաստատուն քայլերով, վստահ, որ ձեռք բերած գիտելիքները հետագայում կծառայեն արժանի գործերի ... Մանրամասն
01.09.18 Գիտելիքի օրը Իջևանի միջնակարգ երաժշտական դպրոցում

Իջևանի միջնակարգ երաժշտական դպրոցում եռուզեռ էր, տոնական միջավայր: Դպրոցի շեմին նոր ոտք դրած սաները ճանապարհում էին կրթօջախի շրջանավարտներին: 
Տոնական համերգին մասնակցում էին դպրոցի ցածր ու միջին դասարանների աշակերտները՝ իրենց գեղեցիկ կատարումներով: Դպրոցին հրաժեշտ տված ավարտական խմբի 40 աշակերտին փոխարինելու էին եկել 80-ը:

Միջոցառմանը ներկա էր նաև Երևանի Կոմիտասի անվան պետական կոնսերվատորիայի ներկայացուցիչ Նանա Մարգարյանը: Նա դպրոցին իրենց ԲՈՒՀ-ի կողմից նվիրաբերեց երաժշտական գրականություն և իր երաժշտական կատարմամբ հիացրեց մասնակիցներին:
Վերջում երեխաներին տրվեցին ավարտական վկայականները: Կրթօջախի տնօրեն Աիդա Սարգսյանը բոլորին մաղթեց վերելքներ և հաջողություններ կյանքում:

30.08.18 Քաղաքային մարզադպրոցում իրականացվում են հատակների վերանորոգման աշխատանքներ

Իջևանի համայնքապետարանը բոլոր հնարավորությունները ստեղծում է քաղաքում սպորտի զարգացումը ամուր հիմքերի վրա դնելու համար:
Եվ քանի որ մարզադպրոցի մեծ դահլիճի հատակը խոնավությունից ամբողջությամբ փչացել էր և դարձել ոչ պիտանի մարզումներ անցկացնելու համար, ուստի որոշվեց առաջնահերթությամբ լուծել այդ խնդիրը:
Աշխատանքներն արդեն սկսվել են. մանրահատակը կփոխարինվի վինիլային ծածկույթի ինքնահարթեցվող շերտով և գծանշումներով:

1 2 3 4 5 6 7 8 9 10 ...


Բոլորը
ԱՎԱԳԱՆՈՒ ՆԻՍՏԵՐ
ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
ք.Իջևան, Երևանյան 6

(0263)42138

ijevancity@mail.ru

Պաշտոնական էլ. փոստ` @e-citizen.am
(միայն www.e-citizen.am համակարգով ծանուցումների համար)



© 2008 - 2018 Հեղինակային իրավունքները պաշտպանված են
ԻՋԵՎԱՆԻ ՀԱՄԱՅՆՔԱՊԵՏԱՐԱՆ
Մշակող   ՏՀԶՎԿ ՀԿ
Համայնքային կառավարման տեղեկատվական համակարգ v2.02
ԲԿԳ Մրցանակ 2015 - OGP Award 2015
2015 Regional Winner