Իջևան համայնքի ղեկավարին և ավագանուն են դիմել Տավուշի մարզի ոստիկանության վետերանների խորհուրդը, Հայրենական մեծ պատերազմի և աշխատանքի վետերանների խորհուրդը, ինչպես նաև Նար-Դոսի փողոցի մի շարք բնակիչներ՝ մեր համաքաղաքացի, ոստիկանության զոհված կապիտան Հայկ Մուշեղի Ղալումյանի անվամբ՝ Իջևան քաղաքի Նար-Դոսի փողոցի մեկ հատվածը անվանափոխելու և իր հայրական տան պատին հուշատախտակ փակցնելու խնդրանքով: Ոստիկանության կապիտան Հայկ Մուշեղի Ղալումյանը դեռևս աշխատանքի ընթացքում արժանացել է գերազանց ծառայության մեդալի, բազմաթիվ խրախուսանքների և շնորհակալագրերի, իսկ ծառայողական պարտքը կատարելիս ցուցաբերած անձնազոհության ու խիզախության համար հետմահու պարգևատրվել է 2-րդ աստիճանի ,,Մարտական խաչ,, շքանշանով և ՀՀ ոստիկանության բարձրագույն պարգևի՝ ,,Սխրագործության համար,, մեդալի: Հայկ Մուշեղի Ղալումյանի հերոսական սխրանքը բազմիցս լուսաբանվել է լրատվական միջոցներով, նրա անունը հավերժացված է ՀՀ ոստիկանության ակադեմիայի հուշակոթողին, գրանցված է հուշամատյանում: Իջևան համայնքի ղեկավարը առաջնորդվելով ,,Տեղական ինքնակառավարման մասին,, ՀՀ օրենքի 32-րդ հոդվածի 15-րդ կետի պահանջներով համայնքի ավագանու քննարկմանը և հաստատմանն է ներկայացնում Իջևան քաղաքի Նար-Դոսի փողոցի մեկ հատվածը, ըստ կից ներկայացվող հատակագծի՝ Հայկ Մուշեղի Ղալումյանի անվամբ անվանափոխելու և իր հայրական տան պատին հուշատախտակ փակցնելու առաջարկությունը:
Ղեկավարվելով,,Տեղական ինքնակառավարման մասին,, ՀՀ օրենքի 16-րդ հոդվածի 21-րդ կետի պահանջներով
1.Տալ հավանություն Իջևան քաղաքի Նար-Դոսի փողոցի մեկ հատվածը, ըստ կից ներկայացվող հատակագծի՝ Հայկ Մուշեղի Ղալումյանի անվամբ անվանափոխելու և իր հայրական տան պատին հուշատախտակ փակցնելու առաջարկությանը: