Համայնքի ավագանին նշում է, որ Իջևան համայնքի վարչական տարածքում երթևեկության և հետիոտն անվտանգությունը ապահովելու համար անհրաժեշտություն է առաջացել Աբովյան, Արցախյան, Անկախության, Երևանյան, Վասիլյան, Իջևանյան, Երիտասարդական փողոցներում տեղադրել Երթևեկությունը կարգավորող նշաններ և կատարել գծանշման աշխատանքներ։
Ելնելով վերոգրյալից․
Իջևան համայնքի ավագանին որոշում է
1․ Երևանյան, Արցախյան, Անկախության, Վասիլյան, Երիտասարդական, Իջևանյան փողոցներում կատարել հետիոտների անցման գծանշում և տեղադրել համապատասխան երթևեկության նշաններ։
2․ Աբովյան փողոցում տեղադրել երթևեկությունը կարգավորող՝ ,,դեպի աջ,, 1 նշան։
3․ Անկախության փողոցում տեղադրել ,,կանգառը արգելվում է,, 3 հատ և ,,կայանումը արգելվում է,, 2 հատ նշաններ։
4․ Անկախության փողոցում Ազատամարտիկների հրապարակից դեպի մարզպետարան, աջ կողմում կատարել կանգառը և կայանումը արգելվում է գծանշում։
5․Վասիլյան, Անկախության, Սահմանադրական փողոցներում կատարել շրջանաձև երթևեկությունը կարգավորող գծանշման աշխատանքներ։
6․Ղարագյոզյան փողոցում՝ ոստիկանության շենքի մոտ տեղադրել ,,կանգառն արգելվում է,, մեկ նշան։
7․ Երթևեկությունը կարգավորող նշանների տեղադրման և գծանշման աշխատանքների իրականացման համար՝ համաձայն նախահաշվի, ֆոնդային բյուջեից հատկացնել 1777000 ՀՀ դրամ։