Համայնքի ավագանին նշում է, որ Հայաստան համահայկական հիմնադրամի միջոցներով 197 մլն. 820,8 հազ. ՀՀ դրամ ներդրմամբ կառուցվել է Իջևանի թիվ 8 մանկապարտեզի 120 տեղանոց նոր մասնաշենք, որի կառուցման համար նշանակալի ֆինանսական ներդրումներ են կատարել ամերիկահայ բարերարներ Ռեյմընդ Հարթունյանը, Անի Հարթունյանը, Գրիշա Սուքիասյանը և Սոնիկ Արթունյանը:
Նկատի ունենալով, որ նորակառույց, ժամանակակից հարմարություններ ունեցող մանկապարտեզը տասնամյակներ շարունակ ծառայելու է համայնքի նախադպրոցական հասակի հարյուրավոր երեխաների խնամքով ու դաստիարակությամբ, ղեկավարվելով ՀՀ « Տեղական ինքնակառավարման մասին » օրենքի 18-րդ հոդվածի 26-րդ կետով.
Ամերիկահայ բարերարներ Ռեյմընդ Հարթունյանին, Անի Հարթունյանին, Գրիշա Սուքիասյանին և Սոնիկ Արթունյանին շնորհել ՀՀ Տավուշի մարզի Իջևան քաղաքային համայնքի պատվավոր քաղաքացու կոչում: