Իջևան համայնքի ավագանին նշում է, որ Տավուշի մարզպետարանը 06.05.2019թ թիվ 01/02582-2019 գրությամբ առաջարկել է համայնքի ավագանու նիստում քննարկել Մ-4 Երևան-Սևան-Իջևան միջպետական ճանապարհի Իջևան համայնքի շուկայի հատվածում երթևեկության կարգավորման առաջարկությունների փաթեթը /կցվում է/:
ՀՀ տրանսպորտի, կապի և տեղեկատվական տեխնոլոգիաների նախարարությունը ներկայացրել է ՀՀ ոստիկանության ,,Ճանապարհային ոստիկանություն,, ծառայության եզրակացությունը, որի համաձայն առաջարկվում է միջպետական ճանապարհի վերոնշյալ հատվածում երթևեկությունը կազմակերպել ,,առաջարկ-2,, սխեմայով:
Քննարկելով առաջարկների փաթեթը և ղեկավարվելով ,,Տեղական ինքնակառավարման մասին,, ՀՀ օրենքի 35-րդ հոդվածի 1-ին մասի 19-րդ կետով, 37-րդ հոդվածի 1-ին մասի 3-րդ կետով
Իջևան համայնքի ավագանին որոշում է
1.Մ-4 Երևան-Սևան-Իջևան միջպետական ճանապարհի Իջևան համայնքի շուկայի հատվածում երթևեկության կարգավորման առաջարկությունների փաթեթը ներկայացնել հանրային քննարկման՝ լավագույն տարբերակը որոշելու համար: Հանրային քննարկումների արդյունքում փաթեթում չընդգրկված այլ տարբերակ առաջարկելու դեպքում դիմել լիազոր մարմնին այն համաձայնեցնելու համար: