Այսօր: Կիրակի, 21 Հունվարի 2018թ.
Իջևանի համայնքապետարանի պաշտոնական կայք
ԻՋԵՎԱՆ ՀԱՄԱՅՆՔ

ՆՈՐՈՒԹՅՈՒՆՆԵՐ
08.01.18 Իջևան համայնքի ուժեղագույն մարզիկները հյուրընկալվել էին համայնքի ղեկավար Վարդան Ղալումյանի մոտ
Տարեվերջին համայնքի ղեկավար Վարդան Ղալումյանը և ավագանու անդամներն ընդունեցին Իջևան քաղաքի լավագույն մարզիկների տասնյակին և <<Նիկարմ>> ֆուտբոլային ակումբի ֆուտբոլիստներին: Համայնքի ղեկավարը կարևորեց սպորտի զարգացումը համայնքում, երիտասարդ մարզիկներին մաղթեց նոր նվաճումներ և վերելքներ: Համայնքի ղեկավարն ավագանու անդամների հետ միասին մարզիկներին հանձնեց պատվոգրեր և դրամական պարգևներ, իսկ <<Նիկարմ>> ֆուտբոլային ակումբի նախագահ Արմեն Խաչատրյանը շնորհակալություն հայտնեց համայնքի ղեկավարին` քաղաքում ֆուտբոլի զարգացմանն ուղղված արդյունավետ գործունեություն իրականացնելու համար և ի նշան երախտագիտության` Վարդան Ղալումյանին հանձնեց մարզիկների կողմից մակագրված գնդակ և պատվոգիր: ... Մանրամասն
08.01.18 ԱՄԱՆՈՐՅԱ ՆՎԵՐՆԵՐ` ՓՈՔՐԻԿ ԴԵՐԱՍԱՆՆԵՐԻՆ

Իջևանի «Հեքիաթ» տիկնիկային թատրոնի փոքրիկ դերասանները և թատրոնի ղեկավար Գայանե Չապուխյանը տարեվերջին համայնքի ղեկավար Վարդան Ղալումյանի հյուրերն էին: Քաղաքապետը զրուցեց երեխաների հետ, հետաքրքրվեց նրանց դերասնական գործունեությամբ, հետագա ծրագրերով: Նրանք ներկայացրին իրենց աշխատանքի հետաքրքիր և գրավիչ կողմերը, խոստացան նոր ներակայացումներով հանդես գալ: Երեխաները շնորհակալություն հայտնեցին համայնքի ղեկավարին` իրենց հովանավորելու և խրախուսելու համար:
Վարդան Ղալումյանը շնորհավորեց երեխաների գալիք Ամանորը, նրանց հանձնեց դրամական պարգևներ և ամանորյա նվերներ:

28.12.17 ԻՋԵՎԱՆ ՀԱՄԱՅՆՔԻ ՂԵԿԱՎԱՐ ՎԱՐԴԱՆ ՂԱԼՈՒՄՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ԱՄԱՆՈՐԻ և ՍՈՒՐԲ ԾՆՆԴՅԱՆ ՏՈՆԵՐԻ ԿԱՊԱԿՑՈՒԹՅԱՄԲ
Սիրելի հայրենակիցներ, մի քանի օրից կավարտվի 2017թ, որը դարձավ մեր Հայրենիքի անկախության ժամանակահատվածի կարևոր տարիներից մեկը, էլ ավելի ամրապնդելով ու զարգացնելով երկրի տնտեսությունն ու հզորությունը: Այդ ամենից անմասն չմնաց նաև Իջևան համայնքը:  Համայնքապետարանի աշխատակազմի, ավագանու անդամների և ձեր անմիջական մասնակցությամբ ու աջակցությամբ համայնքում իրականացվել ե ն բազմաթիվ ծրագրեր, կատարվել վերանորոգման, կառուցապատման, բարեկարգման զգալի աշխատանքներ: Նկատի ունենալով, որ համայնքի ապագան պայմանավորված է աճող սերնդի հետ կապված խնդիրների լուծմամբ, հատկապես ուշադրությունը կենտրոնացրել ենք երիտասարդների ու երեխաների կրթության ու ֆիզիկական դաստիարակության հարցերին: Միայն անցած տարում համայնքում ... Մանրամասն
28.12.17 2017 թ-ի Իջևանի համայնքապետարանի կատարած աշխատանքները
Իջևան համայնքում 2017թ-ին շարունակվել են ճանապարհների փոսալցման, հարթեցման, փողոցների և մայթերի ասֆալտապատման, բարեկարգման աշխատանքները. ասֆալտապատվել է Սահմանադրության հրապարակը, ամբողջությամբ ավարտին է հասցվել Ասլանյան փողոցի ասֆալտապատումը: Կառուցվել է նոր մարզահրապարակ` սպորտդպրոցի տարածքում գտնվող մինի ֆուտբոլի դաշտի հարևանությամբ: Համայնքի ղեկավարի նախաձեռնությամբ կառուցվել է Աշոտ Երկաթ թագավորի արձանը և տեղադրվել Սահմանադրության հրապարակում: Քաղաքում գրեթե ավարտին են հասցվել արտաքին լուսավորության ցանցի կառուցման աշխատանքները. նոր ցանցեր են տեղադրվել Ղարագյոզյան, Տերյան, Այգեստան և Մյասնիկյան փողոցներում:  Շարունակվել են վերանորոգման կարիք ունեցող բազմաբնակարան շենքերի տանիքների ... Մանրամասն
27.12.17 Իջևանում անցկացվեց արագ շախմատի մրցաշար
Էվրիկա մանկական զարգացման կենտրոնն Իջևանի քաղաքապետարանի հետ համատեղ, քաղաքի պատկերասրահում կազմակերպել էին արագ շախմատի ամանորյա մրցաշար։ Այն անցկացվեց շվեյցարական մրցակարգով` 7 խաղափուլով։ Մրցանակային ֆոնդը կազմում էր երկու հարյուր հազար դրամ։ Առաջին տեղն զբաղեցրեց Արտաշ Ամիրաղյանը Նոյեմբերյանից (40հազ.դրամ ),երկրորդ տեղը Դիլիջանից` Սլավիկ Կիրակոսյանը (30հազ.),երրորդ տեղը Նոյեմբերյանից` Գարիկ Մամյանը (25հազ.), 4֊րդ տեղը Նոյեմբերյան ից` Գագիկ Խասիկյանը (20 հազ.դրամ), 5֊6րդ տեղերը Դիլիջանից, համապատասխանաբար, զբաղեցրեցին Սամվել Հովհաննիսյանն ու Սեյրան Անանյանը10֊հազ.ական դրամ։ Ամենափոքր մասնակից Ալեն Մատինյանն ստացավ հուշանվեր ։ Լավագույն արդյունք ցույց տված վետերան 50 տարեկան և բարձր ... Մանրամասն
27.12.17 Իջևանի երաժշտական միջնակարգ դպրոցում կայացավ ամանորյա համերգ

Ամանորին ընդառաջ, քաղաքի երաժշտական միջնակարգ դպրոցում Ձմեռպապի և Ձյունանուշի ներկայությամբ կայացավ հետաքրքիր տոնական համերգ դպրոցի սաների մասնակցությամբ:
Լավագույն աշակերտները պարգևատրվեցին շնորհակալագրերով, որը նրանց հանձնեց Ձմեռպապը:
Դպրոցի տնօրեն Աիդա Սարգսյանը սիրով շնորհավորեց այդ կարևոր ձեռքբերումը և մաղթեց ուրախ Ամանոր:

20.12.17 ՄԻՆԻ ՖՈԻՏԲՈԼԻ ԱՌԱՋՆՈԻԹՅՈԻՆՆ ԱՆՑԱՎ ԿԱԶՄԱԿԵՐՊՎԱԾ ԵՎ ՀԵՏԱՔՐՔԻՐ
Օրերս Իջևանի մարզադպրոցի մինի ֆուտբոլի դաշտում ,համայնքի ղեկավար Վարդան Ղալումյանի աջակցությամբ <<Նիկարմ>> ֆուտբոլի ակումբն անցկացրեց տարածաշրջանի 2004-2005 թթ.դպրոցականների մինի ֆուտբոլի առաջնություն: Մրցաշարին մասնակցում էին 10 թիմի 100 երեխա: Հաղթողի կոչումը վիճարկեցին օլիմպիական մրցակարգով ,և հաղթող ճանաչվեց Իջևան քաղաքի թիվ 5 հիմնական դպրոցի թիմը (մարզիչ`Ալբերտ Գրիգորյան):Երկրորդ և երրորդ տեղերը, համապատասխանաբ ար, գրավեցին Աչաջրի և Սարիգյուղի թիմերը: Երրորդ տեղ զբաղեցրած թիմի պարգևատրման արարողությունն իրականացրին գլխավոր մրցավար Գրիգորի Մինասյանը և Իջևանի վարժարանի զինղեկ Արման Չապուխյանը,իսկ երկրորդինը `Իջևան համայնքի ավագանու անդամ Արսեն Հովակիմյանը և Իջևանի մարզային ... Մանրամասն
20.12.17 Իջևանի մշակույթի տանն սկսվել է ամանորյա միջոցառումների շարքը

Ամանորին ընդառաջ Իջևանի քաղաքային մշակույթի տանն սկսվել է «Ձմեռային հեքիաթ» թատերական ներկայացման ցուցադրությունը:
Մասնակից 15 դերասանները` թատրոնի ղեկավար Գայանե Չապուխյանի մասնակցությամբ, ջանացել էին հավուր պատշաճի և ուրախ մթնոլորտում մատուցել ներկայացումը: Մշակույթի տունը հյուրընկալել էր քաղաքի մանկապարտեզների և դպրոցների տարրական դասարանների երեխաներին: Նրանք մեծ ոգևորությամբ և հետաքրքրությամբ ընդունեցին հեքիաթի հերոսներին:Ներկայացումն անցավ տոնական և ուրախ մթնոլորտում, երեխաները գոհ էին և տպավորված:
«Ձմեռային հեքիաթ»ամանորյա ներկայացման մեկնարկը տրվել է դեկտեմբերի 18-ին և կցուցադրվի նաև առաջիկա օրերին:

19.12.17 ԱՄԱՆՈՐՅԱ ԵՎ ՍՈՒՐԲ ԾՆՆԴՅԱՆ ՏՈՆԻ ՄԻՋՈՑԱՌՄԱՆ ԾՐԱԳԻՐ

Դեկտեմբերի 18-20, ժ 13:30 և 15:30- Իջևանի քաղաքային մշակույթի տանը «Ձմեռային հեքիաթ» թատերական ներկայացում
Դեկտեմբերի 29, ժ 18:00 - Տոնական համերգ մայրաքաղաքից հրավիրված երգիչ-երգչուհիների մասնակցությամբ /Ա. Մելիքբեկյան փ., շատրվանների հրապարակ/ 
Ժ. 21:00- հրավառություն

15.12.17 Աշխատանքի տոնավաճառ Իջևանում

Քաղաքի պատկերասրահում Իջևանի զբաղվածության պետական գործակալության կազմակերպած աշխատանքի 4-րդ տոնավաճառն իր շուրջն էր համախմբել բազմաթիվ աշխատանք փնտրողների:
Այստեղ անմիջական հաղորդակցության միջոցով և տեղեկատվական նյութերի, առկա և սպասվող թափուր աշխատատեղերի մասին 25 գործատուներն իրազեկեցին 57 թափուր աշխատատեղերի մասին: Բոլորի նպատակն իրենց որակավորման համապատասխան աշխատանք գտնելն էր, ինչը որոշակի չափով նրանց հաջողվեց: Մյուսներն ընդգրկվեցին գործատուների տվյալների բազայում` հետագայում աշխատանք գտնելու ակնկալիքով:

1 2 3 4 5 6 7 8 9 10 ...


ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
ք.Իջևան, Երևանյան 6

(0263)42138

ijevancity@mail.ru

Պաշտոնական էլ. փոստ` @e-citizen.am
(միայն www.e-citizen.am համակարգով ծանուցումների համար)



© 2008 - 2018 Հեղինակային իրավունքները պաշտպանված են
ԻՋԵՎԱՆԻ ՀԱՄԱՅՆՔԱՊԵՏԱՐԱՆ
Մշակող   ՏՀԶՎԿ ՀԿ
Համայնքային կառավարման տեղեկատվական համակարգ v2.01
ԲԿԳ Մրցանակ 2015 - OGP Award 2015
2015 Regional Winner