Զեկ. ԱՐԹՈՒՐ ԱՅԴԻՆՅԱՆ

Համայնքի ավագանին նշում է, որ Իջևան համայնքի ղեկավարին է դիմել քաղաքացի Էդվարդ Սամսոնի Ավագյանը, որ դեռևս 2005թ. մարտի 16-ին մասնակցել է Գանձաքարի գյուղապետարանի կողմից անցկացված համայնքային սեփականություն հանդիսացող 1350,0քմ մակերեսով հողամասի վարձակալության իրավունքով տրամադրելու մրցույթին և ճանաչվել հաղթող: Գանձաքարի համայնքի ղեկավարի 2005թ. մարտի 16-ի թիվ 72  որոշմամբ ՝ գյուղատնտեսական նշանակության հողերից 1350,0քմ մակերեսով վարելահող վարձակալության իրավունքով, 25 տարի ժամկետով, տարեկան 7500 ՀՀ դրամ վարձավճարով հատկացվել է իրեն, սակայն Գանձաքար համայնքի և իր միջև հողհատկացման պայմանագիր չի կնքվել և պետական գրանցում սահմանված ժամկետում չի իրականացվել, քանի որ նշված հողամասը  ՀՀ կառավարության 06.10.2005թ. թիվ 2417-Ն որոշմամբ  փոխանցվել է Իջևան համայնքին, ուստի դիմել է հիմք ընդունելով Գանձաքար համայնքի ավագանու 2005թ. հունվարի 20-ի թիվ 3 նիստի որոշման քաղվածքը, հողամասը մրցույթով վարձակալության տալու մասին 2005թ. մարտի 16-ի արձանագրությունները, Գանձաքարի   գյուղապետի 2005թ. մարտի 16-ի թիվ72 որոշումը, իր և որպես նշված հողամասի իրավահաջորդ սեփականատեր՝ Իջևան համայնքի միջև 1350,0քմ մակերեսով գյուղատնտեսական նշանակության  հողամասի նկատմամբ վարձակալության իրավունքի պայմանագիր կնքելու խնդրանքով:

Հաշվի առնելով Գանձաքարի գյուղապետի կողմից  27.02.2014թ տրված տեղեկանքը այն մասին, որ Գանձաքար համայնքի կողմից մրցութային կարգով վերոնշյալ հողամասը վարձակալության տրամադրելու վերաբերյալ 2005թ մարտի 16-ին կազմված փաստաթղթերը և համայնքի ղեկավարի 2005թ մարտի 16-ի թիվ 72 որոշումը համայնքի ավագանու և համայնքի ղեկավարի կողմից երբևէ անվավեր չեն ճանաչվել, դրանք չեն վերացվել, փաստացի մնացել են ուժի մեջ.

1. Հիմք ընդունելով Գանձաքար համայնքի ավագանու 2005թ. հունվարի 20-ի թիվ 3 նիստի որոշման քաղվածքը, հողամասը մրցույթով վարձակալության տալու մասին 2005թ. մարտի 16-ի արձանագրությունները, Գանձաքարի   գյուղապետի 2005թ. մարտի 16-ի թիվ 72 որոշումը և այն հանգամանքը, որ նշված հողամասը  ՀՀ կառավարության 06.10.2005թ. թիվ 2417-Ն որոշմամբ  փոխանցվել է Իջևան համայնքին, տալ համամաձայնություն Իջևան համայնքի ղեկավարի առաջարկությանը՝ Իջևան քաղաքի հյուսիսային մասում գտնվող 1350,0քմ մակերեսով գյուղատնտեսական նշանակության հողամասի նկատմամբ , 16 տարի ժամկետով, տարեկան 7500 /յոթ հազար հինգ հարյուր/ ՀՀ դրամ վարձավճարով՝ Իջևան համայնքի և քաղաքացի Էդվարդ Սամսոնի Ավագյանի միջև վարձակալության իրավունքի պայմանագիր կնքելուն: