ՀՀ Տավուշի մարզի Իջևանի համայնքի ղեկավար Վարդան Ղալումյանս ուսումնասիրելով Իջևան քաղաքի Երիտասարդական փողոցի թիվ 4 հասցեի բնակիչ Վլադիմիր Եգանյանի  կողմից 03.09.2018թ բերված վարչական բողոքը թիվ 308 որոշման դեմ
                                                               Պ Ա Ր Զ Ե Ց Ի

Որոշման դեմ բողոքում նշված հիմնավորումները՝ շինարարությունը իր կողմից կատարված չլինելու և 2017թ աշնանը ավարտված լինելու փաստերը հիմնավորող պատշաճ ապացույցներ չեն ներկայացվել: Վլադիմիր Եգանյանի կողմից շինարարական աշխատանքները կատարվել են մինչև 2018թ մայիս-հունիս ամիսները: Այդ են վկայում ՀՀ Տավուշի մարզպետի 12.07.2018թ և 05.07.2018թ գրությունները Իջևան քաղաքի Երիտասարդական փողոցի թիվ 5 շենքի բնակիչների Տարածքային զարգացման նախարարին ուղղված դիմումներում նշված փաստերը, ինչ հիմքով էլ ղեկավարվելով ՎԻՎ 37-րդ հոդվածի պահանջով կիրառվել է վարչական տույժը:

Վարչական ակտը իրավաչափ է և հիմնավորված:
Ելնելով վերոգրյալից և ղեկավարվելով «Վարչարարության հիմունքների և վարչական վարույթի մասին» Հայաստանի Հանրապետության օրենքի 76-րդ հոդվածի պահանջներով

                       ՈՐՈՇՈՒՄ ԵՄ

1/ Մերժել վարչական բողոքը՝ վարչական ակտը թողնելով անփոփոխ:

2/ Տուգանքի գումարը որոշումը ստանալու օրվանից ոչ ուշ քան 15 օրվա ընթացքում կամովին վճարել քաղաքապետարանի գանձապետական հաշվին։

3/ Սույն որոշման մասին եռօրյա ժամկետում առձեռն կամ փոստային առաքմամբ, ստացումը հավաստող հետադարձ ծանուցմամբ իրազեկել Վլադիմիր Եգանյանին:

4/ Սույն որոշումը ուժի մեջ է մտնում իրազեկման հաջորդ օրվանից։

5/ Սույն որոշման պահանջները կամովին չկատարելու դեպքում «Վարչարարության հիմունքների և վարչական վարույթի մասին» ՀՀ օրենքի 88-րդ հոդվածով սահմանված կարգով այն ներկայացնել հարկադիր կատարման՝ ՀՀ ԱՆ ԴԱՀԿ-ն ապահովող ծառայությանը։

6/ Սույն որոշումը կարող է բողոքարկվել դատական կարգովՙ «Վարչարարության հիմունքների և վարչական վարույթի մասին» ՀՀ օրենքի 70-րդ և 71-րդ հոդվածներով սահմանված կարգով և ժամկետներում, այն ուժի մեջ մտնելու օրվանից երկամսյա ժամկետում, չբողաքարկվելու դեպքում, նույն ժամկետում դառնում է անբողոքարկելի և ենթակա է հարկադիր կատարման։