Համաձայն Իջևան համայնքի ղեկավարի 29.08.2017թ. թիվ 466 որոշմամբ, Իջևան քաղաքի, Երևանյան փողոցի, թիվ 12/3 հասցեում քաղաքաշինական նպատակներով առանձնացվել է 20,0քմ մակերեսովհողամաս /ծածկագիր 11-001-0727-0104/, որի նկատմամբ կատարվել է իրավունքների պետական գրանցում և տրվել թիվ 11062018-11-0006 վկայականը: Չափագրումից պարզվել է, որ հողամասի բեկման կետերով կոորդինատներով տեղադրելիս առաջանում է համադրում այլ գույքի հետ, և որակավորում ունեցող անձի կողմից ճշտված հատակագծի հիման վրա նշված հողամասի փաստացի մակերեսը կազմում է 13,35քմ, ուստի անհրաժեշտություն է առաջացել Իջևան քաղաքի, Երևանյան փողոցի, թիվ 12/3 հասցեում օրինական 13,35քմ մակերեսով առանձնացված հողամասի սահմանները ճշտել:

Հաշվի առնելով վերոնշյալը և ղեկավարվելով ՀՀ ,,Հողային օրենսգրքի,, թիվ 43-րդ հոդվածի թիվ 1-ին կետի, թիվ 3-րդ ենթակետի պահանջներով.

ՈՐՈՇՈՒՄ ԵՄ

1.Հաստատել ճշտված սահմաններով Իջևան քաղաքի, Երևանյան փողոցի, թիվ 12/3 հասցեում գտնվող օրինական առանձնացված 13,35քմ մակերեսով հասարակական կառուցապատման գործառնական նշանակության հողամասի սահմանները, ըստ ճշտված սահմաններով հատակագծի /ծածկագիր 11-001-0727-0104/:

2.Դիմել ՀՀ կառավարությանն առընթեր անշարժ գույքի կադաստրի պետական կոմիտեի սպասարկման գրասենյակ, Իջևան քաղաքի Երևանյան փողոցի, թիվ 12/3 հասցեում գտնվող, օրինական առանձնացված 13,35քմ մակերեսով հասարակական կառուցապատման գործառնական նշանակության հողամասի /ծածկագիր 11-001-0727-0104/ նկատմամբ համայնքի իրավունքները վերագրանցելու նպատակով:

3.Սույն որոշումը ենթակա է պետական գրանցման: