Համայնքի ղեկավարին է դիմել Իջևան քաղաքի Սպանդարյան փողոցի, թիվ 1/67 հասցեում գտնվող հողամասի սեփականատեր՝ Համլետ Սերոժի Բլբուլյանը, իրեն պատկանող, օրինական 24,6քմ մակերեսով բնակավայրերի բնակելի կառուցապատման գործառնական նշանակության հողամասում /վկայական թիվ 07102013-11-0006, ծածկագիր 11-001-0154-0063/ 2018թ. ինքնակամ կառուցված 24,6քմ արտաքին մակերեսով ավտոտնակի շինության, որի ներքին մակերեսը կազմում է 22,08քմ՝ իրավական կարգավիճակի որոշման խնդրանքով: Ինքնակամ կերպով կառուցված 24,6քմ արտաքին մակերեսով ավտոտնակի շինությունը չի խոչընդոտում այլ հողատարածքների նպատակային կամ գործառնական նշանակությանը, չի գտնվում ՀՀ ,,Հողային օրենսգրքի՜՜ 60-րդ հոդվածով սահմանված հողամասերում, ինժեներատրանսպորտային օբյեկտների օտարման գոտիներում, չի հակասում քաղաքաշինական նորմերին, չի սահմանափակում այլ անձանց իրավունքները, չի առաջացնում սերվիտուտ:
Հաշվի առնելով վերոնշյալը և քաղաքաշինական խորհրդի դրական եզրակացությունը և ղեկավարվելով ՀՀ կառավարության 18.05.2006թ. 912-Ն որոշման թիվ 13 կետի, ա/ ենթակետի, ՀՀ քաղաքացիական օրենսգրքի 188-րդ հոդվածի 2-րդ կետի պահանջներով.
ՈՐՈՇՈՒՄ ԵՄ
1.Ճանաչել օրինական Իջևան քաղաքի Սպանդարյան փողոցի, թիվ 1/67 հասցեում գտնվող և սեփականության իրավունքով քաղաքացի՝ Համլետ Սերոժի Բլբուլյանին պատկանող 24,6քմ մակերեսով հողամասում /վկայական թիվ 07102013-11-0006, ծածկագիր 11-001-0154-0063/ ինքնակամ կերպով կառուցված 24,6քմ արտաքին մակերեսով ավտոտնակի շինությունը, որի ներքին մակերեսը կազմում է 22,08քմ:
2.Հաշվի առնելով, որ ՀՀ կառավարության 17.04.2003թ. թիվ 470-Ն որոշմամբ, Իջևան քաղաքի Սպանդարյան փողոցի, թիվ 1/67 հասցեում գտնվող, 24,6քմ մակերեսով հողամասում /վկայական թիվ 07102013-11-0006, ծածկագիր 11-001-0154-0063/, քաղաքացի՝ Համլետ Սերոժի Բլբուլյանի կողմից ինքնակամ կերպով կառուցված 24,6քմ արտաքին մակերեսով ավտոտնակի շինությունը գտնվում է ՀՀ տարածագնահատման գոտիականության 10-րդ գոտում՝ պարտավորեցնել քաղաքացի՝ Համլետ Սերոժի Բլբուլյանին Իջևանի քաղաքապետարանի հաշվարկային հաշվին մուծել, 1քմ 1300 ՀՀ դրամ վճարի չափով՝ 24,6քմ արտաքին մակերեսով ավտոտնակի շինության դիմաց՝ 31980 /երեսունմեկ հազար ինը հարյուր ութանասուն/ ՀՀ դրամ: Մուծման անդորրագիրը հանդիսանում է սույն որոշման անբաժանելի մասը: