«Շրջակա միջավայրի վրա ազդեցության գնահատման և փորձաքննության մասին» ՀՀ օրենքի, ինչպես նաև ՀՀ կառավարության 19.11.2014 թ. N 1325-Ն որոշման հավելվածի սահմանված կարգով՝ ՀՀ Տավուշի մարզի Տավուշ-6 միկրոռեգիոնալ մակարդակի համակցված տարածական պլանավորման փաստաթղթերի կազմում ներառված ՀՀ կառավարության 2006 թ. նոյեմբերի 30-ին 1720-Ն որոշմամբ հաստատված ՀՀ Տավուշի մարզի Իջևան քաղաքի /բնակավայրերի/ գլխավոր հատակագծի լրամշակման նախագծի 12.12.2018թ հանրային լսումների IV փուլի ընթացքում նշվել է, որ իրականացված աշխատանքային հանդիպումների արդյունքում տարածքների իրացման հետ կապված խնդրահարույց է մնացել ճոպանուղու վերին կայանի շրջակայքում հանգստի և զբոսաշրջության գոտու կազմակերպման հարցը /կցվում է արձանագրությունը/: Քննարկվել է, համայնքի զարգացման ծրագրում ամրագրված, Իջևան համայնքի վարչական սահմաններում գտնվող «Երազանք» կոչվող սարի տարածքում 1980-ական թվականներին կառուցված ճոպանուղու վերին կիսակառույց կայանով ծանրաբեռնված տարածքը և Իջևան քաղաքից դեպի կայան տանող ճանապահամերձ տարածքները /մոտ 20.0հա/, անտառային նպատակային նշանակության հողերից որպես հատուկ պահպանվող տարածքների հողեր նպատակային նշանակության /գործաառնական նշանակությունը՝ հանգստի համար նախատեսված/ փոխադրելու և ներառելու անհրաժեշտությունը: Հողամասի նպատակային նշանակության փոփոխության դեպքում հնարավոր կլինի տարածաշրջան ներգրավել նոր ներդրողների, վերակառուցել ճոպանուղին, ինչը կնպաստի համայնքի զարգացմանը, տուրիզմի և զբոսաշրջության զարգացմանը, նոր աշխատատեղերի ստեղծմանը և այլն: Իսկ ճոպանուղին առանց հանգստի գոտու համապատասխան տարածքի խոչընդոտ են հանդիսանալու համայնքի զարգացմանը և ներդրողների ներգրավմանը: Սակայն Անտառային կոմիտեի կողմից նշված փոփոխությունը համարվել է ոչ նպատակահարմար, որը մեր կարծիքով հիմնավոր չէ: Իջևան քաղաքի գլխավոր հատակագծի ճշգրտման և լրամշակման աշխատանքների ընթացքում «Հայնախագիծ» ԲԲԸ-ի կողմից կատարվել է նշված մոտ 20.0հա մակերեսով տարածքի գոտիավորման նախագիծ՝ «Երազանք» հանգստի համալիր անվանումով /կցվում է հատակագիծը/:
Հաշվի առնելով նշված հարցի կարգավորումը և դրական լուծումը բխում է համայնքի զարգացման շահերից ու համայնքի ղեկավարի առաջարկությունը, և ղեկավարվելով <<Տեղական ինքնակառավարման մասին>> ՀՀ օրենքի 13-րդ հոդվածի 11-րդ մասի, համայնքի ավագանին ընդունում է. ՈՒՂԵՐՁ
1. ՀՀ Տավուշի մարզպետին՝ համայնքի զարգացման, ներդրողների ներգրավման, տուրիզմի և զբոսաշրջության զարգացմանը, նոր աշխատատեղերի ստեղծման և այլ նպատակով, համայնքի զարգացման ծրագրում ամրագրված, Իջևան համայնքի վարչական սահմաններում գտնվող, 1980-ական թվականներին կառուցված ճոպանուղու վերին կիսակառույց կայանով ծանրաբեռնված «Երազանք» կոչվող սարի տարածքը և Իջևան քաղաքից դեպի կայան տանող ճանապահամերձ տարածքները /մոտ 20.0հա/, անտառային նպատակային նշանակության հողերից որպես հատուկ պահպանվող տարածքների հողեր նպատակային նշանակության /գործաառնական նշանակությունը՝ հանգստի համար նախատեսված/ կազմ փոխադրելու և ներառելու հարցում օժանդակություն ցուցաբերելու և ՀՀ պետական իրավասու մարմինների ուշադրությանը ներկայացնելու անհրաժեշտությունը: |