ՀՀ Տավուշի մարզի Իջևանի համայնքի ղեկավարի պաշտոնակատար Հայկ Ղալումյանս ուսանումնասիրելով Իջևանի համայնքապետարանի տարածքային զարգացման և քաղաքաշինության բաժնի պետ Ա.Այդինյանի զեկուցագիրը և կից ներկայացված 14.10.2020 թվականի վարչական իրավախախտման վերաբերյալ արձանագրությունը, կապված Իջևան քաղաքի Ասլանյան փողոց թիվ 76 հասցեի բնակիչ Գրիգոր Լիպարիտի Ղուլարյանի կողմից, առանց համապատասխան քաղաքաշինական փաստաթղթերի և թույլտվության, ք. Իջևան Երևանյան փողոցի թիվ 1/14 հասցեում գտնվող իրեն պատկանող հողամասին կից համայնքային սեփականության հողամասում տարածքի բետոնացման աշխատանքների իրականացման փաստի առթիվ վարչական պատասխանասվության ենթարկելու հարցին
Պ Ա Ր Զ Ե Ց Ի
Գրիգոր Լիպարիտի Ղուլարյանի կողմից, առանց համապատասխան քաղաքաշինական փաստաթղթերի և թույլտվության, ինքնակամ իրականացվել է Իջևան քաղաքի Երևանյան փողոցի թիվ 1/14 հասցեում գտնվող իրեն պատկանող հողամասին կից համայնքային սեփականության հողամասում տարածքի բետոնացման աշխատանքներ, որի վերաբերյալ քաղաքապետարանի աշխատակիցների կողմից 2020 թվականի հոկտեմբերի 14-ին կազմվել է վարչական իրավախախտման վերաբերյալ արձանագրություն։ Քաղաքապետարանի տարածքային զարգացման և քաղաքաշինության բաժնի պետ Ա. Այդինյանը իրավախախտման արձանագրությունը կից զեկուցագրով ներկայացրել է համայնքի ղեկավարին իրավախախտին վարչական պատասխանատվության ենթարկելու հարցը լուծելու համար։ Հիմք ընդունելով զեկուցագիրը և կից ներկայացված նյութերը վարչական իրավախախտում կատարելու փաստի առթիվ «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածով սահմանված կարգով քաղաքապետարանի նախաձեռնությամբ հարուցել է վարչական վարույթ և վարույթի քննության օր է նշանակվել 2020 թվականի նոյեմբերի 9-ին ժամը 12:00-ին քաղաքապետարանի շենքում և այդ մասին նույն օրը տեղեկացրել իրավախախտին։ Ծանոթանալով վարչական իրավախախտման վերաբերյալ արձանագրությունում և Ա. Այդինյանի զեկուցագրում արձանագրված փաստական հանգամանքներին, վարչական մարմինը վարչական վարույթի քննության ընթացքում ապացուցված համարեց, որ Գրիգոր Լիպարիտի Ղուլարյանի կողմից կատարված արարքը իրեն մեջ պարունակում է Վարչական Իրավախախտումների Վերաբերյալ ՀՀ օրենսգրքի 154-րդ հոդվածի 1-ին մասով նախատեսված զանցանքի հատկանիշներ։ Նշված իրավախախտման համար պատասխանատու է Գրիգոր Ղուլարյանը, քանի որ ինքնակամ շինարարական աշխատանքները իրականացվել են վերջինիս կողմից:
Գրիգոր Ղուլարյանը լսումներին չէր ներկայացել:
Ելնելով վերոգրյալից և ղեկավարվելով Վարչական Իրավախախտումների Վերաբերյալ ՀՀ օրենսգրքի 219.1 և 154-րդ հոդվածի 1-ին մասի,«Վարչարարության հիմունքների և վարչական վարույթի մասին» Հայաստանի Հանրապետության օրենքի 53-58-րդ հոդվածների պահանջներով
Ո Ր Ո Շ Ե Ց Ի
1/Գրիգոր Ղուլարյանի նկատմամբ նշանակել վարչական տուգանք(տույժ) սահմանված նվազագույն աշխատավարձի չորս հարյուրապատիկի չափով՝ 400 000 (չորս հարյուր հազար)ՀՀ դրամ։
2/ Պարտավորեցնել ինքնակամ շին․աշխատանքները և վերացնել դրա հետևանքները:
3/ Տուգանքի գումարը որոշումը ստանալու օրվանից ոչ ուշ քան 15 օրվա ընթացքում կամովին վճարել քաղաքապետարանի գանձապետական թիվ 900375121150 հաշվին։
4/ Սույն որոշման մասին եռօրյա ժամկետում առձեռն կամ փոստային առաքմամբ, ստացումը հավաստող հետադարձ ծանուցմամբ իրազեկել Գրիգոր Ղուլարյանին:
5/ Սույն որոշումը ուժի մեջ է մտնում իրազեկման հաջորդ օրվանից։
6/ Սույն որոշման պահանջները կամովին չկատարելու դեպքում «Վարչարարության հիմունքների և վարչական վարույթի մասին» ՀՀ օրենքի 88-րդ հոդվածով սահմանված կարգով այն ներկայացնել հարկադիր կատարման՝ ՀՀ ԱՆ ԴԱՀԿ-ն ապահովող ծառայությանը։
7/ Սույն որոշումը կարող է բողոքարկվել վարչական մարմնին կամ դատական կարգովՙ «Վարչարարության հիմունքների և վարչական վարույթի մասին» ՀՀ օրենքի 70-րդ և 71-րդ հոդվածներով սահմանված կարգով և ժամկետներում, այն ուժի մեջ մտնելու օրվանից երկամսյա ժամկետում, չբողաքարկվելու դեպքում, նույն ժամկետում դառնում է անբողոքարկելի և ենթակա է հարկադիր կատարման։