ՀՀ Տավուշի մարզի Իջևանի համայնքի ղեկավար Արթուր Ճաղարյանս, ուսանումնասիրելով «Իջևանի քաղաքային կոմունալ ծառայություն» հիմնարկի տնօրեն Սուրեն Չիբուխչյանի զեկուցագիրը և կից ներկայացված Վարչական իրավախախտման վերաբերյալ 21․08․2025թ կազմված արձանագրությունը կից լուսանկարներով կապված, Իջևան համայնքապետարանի կողմից տեղադրված տեսախցիկով արձանագրված ք․ Իջևան , Երևանյան 110 հասցեում գործով «Մհեր Հարությունյան » ԱՁ-ի շենքից ժամը 23։27 -ին Աղստև գետ աղբ նետելու փաստի առիթով վարչական պատասխանասվության ենթարկելու հարցին․
Պ Ա Ր Զ Ե Ց Ի
«Իջևանի քաղաքային կոմունալ ծառայություն» հիմնարկի տնօրեն Ս․Չիբուխչյանը՝ Իջևան քաղաքի Երևանյան 110 հասցեում գործող «Մհեր Հարությունյան» ԱՁ-ի շենքից աղբ նետելու փաստի առիթով ներկայացված զեկուցագրով դիմել է համայնքի ղեկավարին իրավախախտին վարչական պատասխանատվության ենթարկելու հարցը լուծելու համար։ Հիմք ընդունելով զեկուցագիրը և կից ներկայացված վարչական իրավախախտման ակտը լուսանկարներով արձանագրված արարքը կատարելու փաստի առիթով «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածով սահմանված կարգով համայնքապետարանի նախաձեռնությամբ հարուցել է վարչական վարույթ և վարույթի քննության օր է նշանակվել 2025 թվականի սեպտեմբեչի 12-ին, ժամը՝ 12:00-ին համայնքապետարանի շենքում և այդ մասին նույն օրը տեղեկացրել իրավախախտին։ Ծանոթանալով վարչական իրավախախտման վերաբերյալ փաստական հանգամանքներին, վարչական մարմինը վարչական վարույթի քննության ընթացքում ապացուցված համարեց, որ «Մհեր Հարությունյան» ԱՁ-ի շենքից /հասարակական/ կողմից կատարված արարքն իրեն մեջ պարունակում է Վարչական Իրավախախտումների Վերաբերյալ ՀՀ օրենսգրքի 43/1-րդ հոդվածի 3-րդ կետով նախատեսված զանցանքի հատկանիշներ համաձայն որի չսահմանված և չնախատեսված տեղերում և վայրերում աղբամուղներից, աղբարկղներից, աղբի հավաքման կենտրոններից, ինչպես նաև աղբավայրերից դուրս մինչև մեկ խորանարդ մետր ծավալով սպառման աղբ թափելը բնակելի, հասարակական կամ այլ նշանակության շենքերից և այլ շինություններից առաջացնում է տուգանք ․․․ իրավաբանական անձի նկատմամբ նվազագույն աշխատավարձի հարյուրապատիկից հարյուրհիսունապատիկի չափով։
«Մհեր Հարությունյան» ԱՁ-ն լսումներին չէր ներկայացել։
Ելնելով վերոգրյալից և ղեկավարվելով Վարչական Իրավախախտումների Վերաբերյալ ՀՀ օրենսգրքի 43․1-րդ հոդվածի 3-րդ կետով և «Վարչարարության հիմունքների և վարչական վարույթի մասին» ՀՀ օրենքի 53-58-րդ-րդ հոդվածների պահանջներով․
Ո Ր Ո Շ Ե Ց Ի
1/ «Մհեր Հարությունյան» ԱՁ-ի նկատմամբ նշանակել վարչական տուգանք (տույժ) սահմանված նվազագույն աշխատավարձի հարյուրհիսունապատիկի չափով՝ 150000 (հարյուր հիսուն հազար) ՀՀ դրամ։
2/ Տուգանքի գումարը որոշումը ստանալու օրվանից ոչ ուշ քան 15 օրվա ընթացքում կամովին վճարել համայնքապետարանի գանձապետական թիվ 900375121150 հաշվին։
3/ Սույն որոշման մասին եռօրյա ժամկետում առձեռն կամ փոստային առաքմամբ, ստացումը հավաստող հետադարձ ծանուցմամբ իրազեկել «Մհեր Հարությունյան» ԱՁ-ին :
4/ Սույն որոշումը ուժի մեջ է մտնում իրազեկման հաջորդ օրվանից։
5/ Սույն որոշման պահանջները կամովին չկատարելու դեպքում «Վարչարարության հիմունքների և վարչական վարույթի մասին» ՀՀ օրենքի 88-րդ հոդվածով սահմանված կարգով այն ներկայացնել հարկադիր կատարման՝ ՀՀ ԱՆ ԴԱՀԿ-ն ապահովող ծառայությանը։
6/ Սույն որոշումը կարող է բողոքարկվել վարչական մարմնին կամ դատական կարգով «Վարչարարության հիմունքների և վարչական վարույթի մասին» ՀՀ օրենքի 70-րդ և 71-րդ հոդվածներով սահմանված կարգով և ժամկետներում, այն ուժի մեջ մտնելու օրվանից երկամսյա ժամկետում, չբողաքարկվելու դեպքում, նույն ժամկետում դառնում է անբողոքարկելի և ենթակա է հարկադիր կատարման։