Արմեն Ալբերտի Բալդրյանին, իրեն սեփականության իրավունքով պատկանող, Իջևան քաղաքի Բլբուլյան փողոցի 3/37 հասցեի 0.004հա մակերեսով հողամասում առևտրի սրահ կառուցելու նպատակով, Իջևանի քաղաքապետարանի կողմից 12.08.2011թ տրամադրվել է N22 շինարարության թույլտվություն: Սակայն շինարարական աշխատանքներն իրականացվել են նախագծային փաստաթղթերի շեղումներով և ինքնակամ կերպով զբաղեցվել է համայնքային սեփականություն համարվող բնակավայրերի նպատակային նշանակության և ընդհանուր օգտագործման հողեր գործառնական նշանակության 0.00165հա մակերեսով հողամաս /11-001-0111-0001-01 ծածկագրով հողամասի մի մաս/: Արմեն Ալբերտի Բալդրյանին պատկանող 0.004հա մակերեսով և համայնքային սեփականության 0.00165հա հողամասերում կառուցված շինությունը համարվում է կոնստրուկտիվ իրարից անբաժանելի մեկ միասնական համակարգ: ՀՀ կառավարության 2006թ նոյեմբերի 30-ի թիվ 1720-Ն որոշմամբ հաստատված Իջևան քաղաքի գլխավոր հատակագծում նույնպես ինքնակամ շինությունով զբաղեցված 0.00165հա մակերեսով հողամասը նշված է նույն նպատակային և գործառնական նշանակության հողամաս: Հետևաբար ինքնակամ շինության օրինականացումը և իրավունքի պետական գրանցումը կարող է կատարվել ՀՀ <<Քաղաքացիական օրենսգրքի>> 188-րդ հոդվածի և ՀՀ կառավարության 18.05.2006թ N912-Ն որոշման սահմանված կարգով և միայն հողամասի գործառնական նշանակության փոփոխությունից հետո:
Հաշվի առնելով վերոգրյալը, իրավունքի պետական գրանցում կատարելու նպատակով համայնքի ղեկավարի առաջարկությունը, ղեկավարվելով <<Տեղական ինքնակառավարման մասին>> ՀՀ օրենքի 16-րդ հոդվածի 27-րդ մասի, <<Քաղաքաշինության մասին>> ՀՀ օրենքի հոդվածի, ՀՀ 2011թ դեկտեմբերի 29-ի N1920-Ն որոշման 24-րդ կետի 3-րդ և 4-րդ ենթակետերի պահանջներով, ՀՀ վարչապետի 2009թ դեկտեմբերի 22-ի N1064-Ն որոշմամբ ստեղծված միջգերատեսչական հանձնաժողովի նիստի քննարկմանը ներկայացնելու նպատակով. Իջևան համայնքի ավագանին որոշում է.
1. Տալ համաձայնություն ՀՀ Տավուշի մարզի Իջևան քաղաքային համայնքի /բնակավայրերի/ գլխավոր հատակագծի փոփոխության նախագծին /գլխավոր հատակագիծ/.
Իջևան քաղաքի Բլբուլյան փողոցի 3/37 հասցեի 0.004հա /40.0քմ/ մակերեսով հողամասին կից՝ համայնքային սեփականություն համարվող բնակավայրերի նպատակային նշանակության 0.00165հա /16.5քմ/ մակերեսով հողամասի /11-001-0111-0001-01 ծածկագրով հողամասի մի մաս/ գործառնական նշանակությունը ընդհանուր օգտագործման հողերից կազմից հանելու և հասարակական կառուցապատման գործառնական նշանակության հողամասերի կազմի մեջ փոխադրելուն: |