Իջևանի համայնքապետարան է դիմել համայնքի ավագանու անդամ Արման Մատինյանը և առաջարկել քննարկել Իջևանի Գանինի փողոցում գտնվող պուրակը անվանակոչելու ԱՄՆ 28-րդ նախագահ, խաղաղության նոբելյան մրցանակի դափնեկիր, հայ ժողովրդի բարեկամ Վուդրո Վիլսոնի անունով: Բարձր գնահատելով Վ.Վիլսոնի հայանպաստ գործունեությունը և նկատի ունենալով, որ նա Հայկական հարցի դրական լուծման և անկախ հայկական պետության հզորացման ջատագովն էր ու կողմնակիցը, ինչպես նաև Սևրի հաշտության պայմանագրով Հայաստանի սահմանի հայամետ որոշման նախաձեռնողն էր, ղեկավարվելով ՀՀ ,,Տեղական ինքնակառավարման մասին,, օրենքի 18-րդ հոդվածի, 1-ին մասի, 22-րդ կետով Իջևան համայնքի ավագանին որոշում է
Տալ հավանություն՝ Իջևան քաղաքի, Գանինի փողոցում գտնվող պուրակը Վուդրո Վիլսոնի անունով անվանակոչելու առաջարկությանը և այն ներկայացնել պետական կառավարման լիազորված մարմին: |